Steini kynntist ástinni í Kenía: „Það small eitthvað saman hjá okkur Carol“

„Upphafið má rekja til algjörrar til­vilj­unar,“ segir Unn­steinn, Steini eins og hann er jafnan kall­aður, og bætir við: „Ég var að spjalla við vin­konu mína á Facetime og hún vildi endi­lega kynna mig fyrir vin­konu sinni. Ég tók ekki vel í það. Ég var ekki að leita mér að konu, alls ekki á bið­ils­bux­unum, og sýndi því hug­mynd vin­konu minnar lít­inn áhuga. En áður en ég fékk rönd við reist hafði hún boðið umræddri vin­konu sinni, Caroline, í spjallið.“

Unn­steinn S. Jóhanns­son, bóndi í Lax­ár­holti á Mýrum ræðir við blaða­mann í nýjasta helg­ar­blaði Mannlífs. Unn­steinn fann ást­ina í Caroline Wanjiku Mwangi, förð­un­ar­fræð­ingi frá Keníu.

Hann segir frá afdrifa­ríkri ferð sinni til Keníu í Afríku, til­urð ferð­ar­innar og þeim vend­ingum sem líf hans tók í kjöl­farið; hjört­unum sem fundu hvort annað, bón­orði og að lokum brúð­kaupi í kenískum anda.

Caroline, Carol, og Steini skynj­uðu þegar leið á spjallið að þau kunnu sér­deilis vel við hvort annað. „Það small eitt­hvað saman hjá okkur Carol,“ segir Steini og bætir við að þau hafi að loknu því spjalli ákveðið að tengj­ast á Facebook, eins og gjarna tíðkast um þessar mundir.

Þrátt fyrir að höf og álfur skildu Steina og Caroline að var það þeim engin hindrun, enda ótal leiðir sam­skipta í boði í sam­fé­lagi manna nú um stundir.

En sam­skipti, eða fjar­skipti, með þessum nýju leiðum kunna að blekkja og sýna aðra mynd en strig­inn inni­ber og því fóru þau ekki í graf­götur um að þau renndu í raun blint í sjó­inn.

Viðtalið má í heild sinni finna í nýjasta helg­ar­blaði Mannlífs.