Uri Geller, hinn þekkti sjónhverfinga og sjónvarpsmaður, heldur því fram að dularfullar orkusprengjur sem greinst hafa undanfarið í geimnum, séu í raun geimverur sem séu að undirbúa lendingu á Jörðinni. Hvetur hann NASA til að búa sig undir komu þeirra.
Fréttablaðið segir frá þessu en þetta kemur þó upprunalega fram á vef Indy100.com.
Fyrr í vikunni hafa vísindamenn tekið eftir óvenjulegum orkusprengingum í geimnum en Natashja Hurley-Walker, stjörnufræðingur segir að þetta sé hálf óhugnanlegt enda hefur þetta aldrei sést áður. „Þetta er í raun frekar nálægt okkur, eða í um 4.000 ljósára fjarlægð, sem er í vetrarbrautabakgarðinum okkar.“
Uri Geller segir á Instagram að hann sé ekki í neinum vafa um að geimverurnar séu að undirbúa lendingar á Jörðinni eða „mass landing“ eins og hann kallar það.
„Teymi kortlagði bylgjur í geimnum og hefur uppgötvað að eitthvað óvenjulegt, sem gefur frá sér risastóra orkusprengingu þrisvar sinnum á klukkustund, það er ólíkt öllu sem stjörnufræðingar hafa áður séð. Það er enginn vafi á því í mínum huga að þetta tengist geimverugreind sem er miklu betri en okkar,“ skrifar Geller á Instagram.
Ekki tiltekur hann ástæðuna fyrir því að hann haldi þessu fram en hann kallar sig miðil svo hver veit, kannski hefur hann yfir meiri upplýsingum en margir?
Athugasemdir