Segja vitni ekki þora fram: „Ógeðslegt að sjá hann í sömu peysu og hann var í þegar hann drap hann“

Fjöl­skylda Daníels Eiríks­sonar, sem lést þann 2. apríl 2021 við Vindakór í Kópavogi eftir átök við Dumitru Calin, segir í sam­tali við blaða­mann Mannlífs að kona sem bjó í nær­liggj­andi blokk hafi séð atvikið en ekki þorað að stíga fram sem vitni í mál­inu vegna ótta við það fólk sem hún sagði tengj­ast sak­born­ingi.

„Hún sagði að sér hafi þótt ógeðs­legt að sjá hann þegar atburð­ur­inn var svið­settur í sömu peysu og hann var í þegar hann drap hann,“ sagði systir Daníels. Sak­born­ingur hafði aðstoðað við svið­setn­ingu atburð­ar­ins við Vindakór nokkru eftir hann.

Systir Daníels segir blaða­manni að dóttir konu þess­arar hafi sagt unn­ustu Daníels sögu móður sinnar. Gluggi í íbúð móð­ur­innar vísi í átt að bílaplan­inu þar sem harm­leik­ur­inn átti sér stað.

Samkvæmt fjöl­skyldu Daníels sagð­ist konan hafa séð öku­mann bakka bif­reið sinni yfir Daníel á bílaplan­inu við Vindakór.

Að þeirra sögn hefur konan aldrei gefið skýrslu hjá lög­reglu, hún vilji ekki koma fram sökum ótta og hafi dregið sögu sína til baka.