Flugmaðurinn sem er saknað: Haraldur Diego er reynslumikill og flýgur reglulega útsýnisflug

Haraldur Diego, flug­mað­ur­inn sem er einn þeirra fjög­urra sem leitað hefur verið í tæpan sól­ar­hring, er reynslu­mik­ill og flýgur reglu­lega útsýn­is­flug. Hinir þrír eru erlendir ferða­menn.

Mörg­hund­ruð björg­un­ar­sveit­ar­menn leita enn flug­vél­ar­ar­innar sem ekk­ert hefur spurst til síðan um hádeg­is­bil í gær. Sjónir bein­ast að sunn­an­verðu Þing­valla­vatni eftir að ný vís­bend­ing barst um stað­setn­ingu vél­ar­innar.

Flug­vélin er lítil, af gerð­inni Cessna 172N með skrán­ing­ar­núm­er­inu TF-ABB.

Haraldur Diego er tæp­lega fimm­tugur og hefur um ára­bil starfað sem flug­maður og ljós­mynd­ari. Hann rekur fyr­ir­tækið Volcano Air Iceland og nýtur mik­illa vin­sælda sem útsýn­is­flug­maður yfir íslenska nátt­úru. Hann er sömu­leiðis for­maður AOPA, hags­muna­fé­lags flug­manna og flug­véla­eig­enda á Íslandi. Hann er einnig rit­stjóri Flugsins, tíma­rits um flug­mál.

„Fjöldi flug­manna frá ýmsum félögum og vinir hans leita hans líka. Þetta sýnir ekki bara sam­heldni íslensku þjóð­ar­innar heldur líka hve elsk­aður Haraldur er,“ skrifar ljós­mynd­ar­inn Chris Burkard, sem einnig er góður vinur Haraldar.