Togarinn Elliði sökk fimm mínútum eftir að síðustu mennirnir yfirgáfu hann – Tveir létust

Þann 10 febr­úar árið 1962 sökk tog­ari norð­vestur af Önd­verða­nesi. 28 manna áhöfn var í tog­ar­anum en 26 þeirra var bjargað af tog­ar­anum  Júpíter, hinir tveir fund­ust ekki en þeir höfðu farið um borð í gúmmí­bát. Þetta hefur síðan verið kallað Elliða­slysið.

„Um ell­efu leytið í gærkvöldi sökk tog­ar­inn Elliði frá Siglu­firði 25 sjómílur NV. af Öndverð­ar­nesi. Fimm mínútum áður en skipið sökk, bjarg­aði tog­ar­inn Júpiter 26 mönnum af 28 manna áhöfn skips­ins,“ segir í frétt Morg­un­blaðs­ins degi eftir slysið.

„Gúmmíbátur með tveimur mönnum hafði slitnað frá og leit­uðu bátar af Snæ­fells­nesi, frá Sandi, Ólafsvík og flug­maður U-2 þot­unnar, sem Grund­ar­firði hans í gærkvöldi. Togarinn Elliði sökk fimm mínútum eftir að síðustu menn­irnir yfirgáfu hann um kl. 23 í gærkvöldi.„

Togarinn hafði sent út neyð­ar­kall mörgum klukku­tímum áður en hann sökk eða um klukkan hálf sex að kvöldi til, stuttu síðar kom tog­ar­inn Júpíter en það tók tölu­verðan tíma að færa sjó­menn­ina yfir.

Um hádegi dag­inn eftir slysið fund­ust menn­irnir tveir látnir í gúmmí­bátnum, það voru þeir Egill Stein­gríms­son, 41 árs og Hólmar Frí­mann­son, 26 ára. Þeir voru báðir hásetar á tog­ar­anum.

Banda­rísk leit­ar­flug­vél leit­aði ásamt varð­skipum af mönn­unum.

„Eftir beiðni miekti flugvélin stað­inn með reyk­sprengju og komu skipin fjögur samtímis að bátnum. Sást strax að tvö lík voru fljótandi í bátnum, en þak hans og yfir­bygg­ing hafði sópast af.  Við tókum likin um borð í Óðin, og var erfitt að eiga við það, vmdur 10 stig og til- svar­andi vindalda. Sökum þess að bátur­inn var fullur af sjó, og aðstæður erf­iðar, þá gátum við ekki tekið hann„