Sunnudagsbréf Morgunblaðsins er með fyndnasta móti þessa helgina. Davíð Oddsson ritstjóri heggur á báðar hendur og gerir sitt besta til að pakka saman blaðamönnunum fjórum sem sæta ákveðinni aðför norðanlöggunnar sem væntanleg er suður til að yfirheyra vegna stolins síma skæruliða Samherja. Eins og kunnugt er þá hafa áskriftir að prentútgáfu Moggans hrunið á undanförnum árum og er nú komið niður í þrjú prósent í þeim hverfum Reykjavíkur þar sem áhuginn er minnstur á illa þokkuðum miðlinum. Davíð gerir grín að þeim alþjóðlega fjölmiðli, CNN, fyrir að hafa tapað áskrifendum sínum sem er nákvæmlega það sama og gerst hefur hjá honum sjálfum. Ritstjórinn kallar CNN áróðursstöð sem er það sama orðspor og fer að Mogganum sem þykir hafa gengið grímulaust fram í áróðri í þágu hýsils síns, Guðbjargar Matthíasdóttur auðkonu, sem hefur dælt milljörðum inn í Moggann og haldið þurfalingnum uppi. Fyndnast í bréfi ritstjórans er eftirfarandi: „Dylgjur og fréttir eiga ekki samleið,“ skrifar Davíð sem stöðugt hefur dylgjað um starfsmenn Ríkisútvarspsins og þeirra fjölmiðla sem starfa á þeim grunni að upplýsa af heilindum. Þá hýsir Davíð í skjóli Guðbjargar bloggskrif Páls Vilhjálmssonar, bloggara og sögukennara í Fjölbrautarskólanum í Garðabæ, sem þykir með rætnustu pennum. Svo kallar ritstjórinn fréttamenn Ríkisútvarpsins undirmálsmenn og rifja upp það ófremdarverk þeirra að hafa flett ofan af skattaskjóli Sigmundar Davíðs Gunnlaugssonar. „Sumir tala eins og bjálfar um að sá þáttur sé mikilvægastur að blaðamenn þykist hafa stöðu lögreglumanna og geti leitt menn í gildrur, jafnvel í samvinnu við erlenda þrjóta og undir fölskum merkjum. Það var gert við Sigmund Davíð forsætisráðherra á sínum tíma, með miklu persónulegu og pólitísku tjóni fyrir hann. Það var niðurlægjandi fyrir þjóðina að sjá hvað þá hlakkaði í þessum undirmálsmönnum á framfæri Ríkisútvarpsins,“ …
Athugasemdir