Bjarni er áhyggufullur: „Ekki rétt að gera neitt annað en að bú­ast við hinu versta“

„Það er mikið áhyggju­efni og ekki rétt að gera neitt annað en að bú­ast við hinu versta,“ sagði Bjarni Bene­dikts­son, fjár­mála- og efna­hags­ráð­herra um yfir­vof­andi inn­rás Rússa í Úkraínu í við­tali við Morg­un­blaðið.

Tekur Þórdís Kolbrún undir áhyggjur Bjarna og segir að þyngra sé hljóðið í þeim ráða­mönnum sem hún hafi fundað með síð­ustu daga.
Þá hefur verið greint frá því að Vladimir Pútín, for­seti Rúss­lands og Joe Biden Banda­ríkja­for­seti hafa sam­þykkt að funda saman svo lengi sem ekki verði ráð­ist inn í Úkraínu.
Samkvæmt heim­ildum AEP-frétta­stof­unnar hefur end­an­leg tíma­setn­ing ekki verið ákveðin. Hafa stjórn­völd Banda­ríkja lýst því yfir að þau myndu bregð­ast hratt og örugg­lega við ef verður að inn­rás Rússa í Úkraínu.
Hvað varðar rödd Íslands innan Atl­ants­hafs­banda­lags­ins segir Bjarni Bene­dikts­son hana skýra og rétt sé að halda þeirri stefnu.
„Mér finnst að okk­ar rödd hafi lengi verið skýr al­veg frá því að Krím­skagi var inn­limaður og okk­ar við­brögð hafa verið í takt við það sem hef­ur verið að ger­ast hjá sam­starfs­þjóðum okk­ar í varn­ar- og ör­ygg­is­mál­um. Það skipt­ir máli.“