Fylgjast með landamærum: „Ekki ósenni­legt að það komi beiðnir um að taka við flótta­fólki hingað“

Mikill fjöldi Úkra­ínu­manna flýja nú land sitt vegna inn­rásar Rússa. Guð­mundur Ingi Guð­brands­son félags­mála­ráð­herra fund­aði með flótta­manna­nefnd síð­asta föstu­dag vegna stöð­unnar en fólk hefur neyðst til þess að flýja heim­ili sín í Úkraínu. Þá hefur nefndin það hlut­verk að fylgj­ast vel með fram­vindu mála í sam­ráði við önnur Evr­ópu­ríki, hin nor­rænu ríkin og Flótta­manna­stofnun Sam­ein­uðu þjóð­anna. Sérstakt eft­ir­lit skal haft með aðstæðum á landa­mærum nágranna­ríkja Úkraínu.

„Ef þró­un­in held­ur áfram með þess­um hætti finnst mér ekki ósenni­legt að það komi beiðnir um að taka við flótta­fólki hingað eða að stjórn­völd hér ákveði það,“ sag­ði Stefán Vagn Stef­áns­son, alþing­ismaður Fram­sókn­ar­flokks­ins í við­tali við Morg­un­blaðið í dag en Stefán er einnig for­maður flótta­manna­nefnd­ar.
Stefán sagði að engar ákvarð­anir hafi verið teknar um mót­töku flótta­manna en hlut­verk flótta­manna­nefnd­ar er að ann­ast mót­töku kvóta­flótta­manna en er það fólk sem stjórn­völd bjóða til lands­ins.