Siggi Hlö fagnaði marki United og endaði á bráðamóttökunni: „Ég hoppa upp þá heyri ég bara „púff“

Plötu­snúð­ur­inn, útvarps­stjarnan og diskó­bomban Siggi Hlö á afmæli í dag. Er hann nákvæm­lega 54 ára akkurat í dag.

Siggi Hlö hefur um ára­bil tryllt mið­aldra fólk í heitum pottum lands­ins með útvarps­þætti sínum Veistu hver ég var? á Bylgj­unni en þar spilar hann diskótón­list í bland við annað gam­alt og gott og tekur við óska­lögum. Virðist það vera fastur liður í sum­ar­bú­staða­par­tíum land­ans að hringja í beinni í Hlömaster­inn (eins og hann kallar sig stundum sjálfur) og skríkja í sím­ann.

Afmæl­is­barnið er mik­ill Manchester United maður en árið 2019 var hann í við­talið á Bylgj­unni þar sem hann segir frá því þegar hann fagn­aði marki svo inni­lega að hann end­aði á bráða­mót­tök­unni:  „Ég sat einn fram í stofu, konan nennti ekki lát­unum í mér og var farin inn í svefni­her­bergi. Þegar gæinn er að fara dæma víta­spyrnu, þá gjör­sam­lega trufl­ast ég. Ég hleyp um stof­una og hoppa og skoppa og svo þegar Rashford skorar úr vít­inu þá kemur konan fram og gefur mér high-five og ég hoppa upp í loftið til að gefa henni high-five og um leið og ég hoppa upp þá heyri ég bara „púff“. Ég lendi síðan og ég hef ekki getað stigið í löpp­ina síðan. Ég veit hrein­lega ekk­ert hvað gerð­ist,“ sagði Siggi Hlö og skelli­hló.