Tæplega helmingur ekki lagður inn vegna Covid-19: „Mönnun heilbrigðiskerfisins mikil áskorun“

Samkvæmt nýj­ustu tölum á vef Land­spít­al­ans var tæp­lega helm­ingur þeirra sem nú liggur á spít­al­anum með Covid-19 ekki lagður inn vegna veiru­sýk­ing­ar­innar, heldur af öðrum orsökum.

Nú er 31 sjúk­lingur inniliggj­andi á Land­spít­al­anum vegna Covid-19 en í til­felli 10 sjúk­linga er ekki vitað hvort inn­lögnin teng­ist veiru­sýk­ing­unni bein­línis. 77 sjúk­lingar sem smit­aðir eru af kónónu­veirunni liggja nú á spít­alnum. Fjórir Covid-sjúk­lingar eru á gjör­gæslu og einn í önd­un­ar­vél. Í gær lést einn sjúk­lingur sem smit­aður var af Covid-19. Um var að ræða karl­mann á níræð­is­aldri sem lést á legu­deild. Með­al­aldur inniliggj­andi sjúk­linga með Covid-19 er nú 70 ár.

77 dauðs­föll eru tengd kór­ónu­veiru­far­aldr­inum hér á landi.

Innlögn 36 sjúk­linga af þeim 77 sem nú liggur á spít­al­anum með kór­ónu­veiruna var upp­runa­lega ekki af völdum veirunnar.

Um 2.600 manns greindust með Covid-19 í gær, sem er svip­aður fjöldi og verið hefur und­an­farið. Rúmlega 42 pró­sent íbúa lands­ins hefur nú greinst með stað­fest Covid-19 smit, en eins og sótt­varna­læknir benti á nýverið er lík­legt að um helm­ingi fleiri hafi greinst með veiruna, miðað við mótefna­mæl­ingar.

Viðmið fyrir hjarð­ó­næmi er yfir­leitt sagt í kringum 80 pró­sent, svo hugs­an­legt er að Ísland hafi þegar náð þeirri pró­sentu.

Staðan á spít­al­anum og öðrum heil­brigð­is­stofn­unum er sögð afar við­kvæm. Kemur það til bæði vegna mik­ils fjölda smita í sam­fé­lag­inu, sem og hás hlut­falls heil­brigð­is­starfs­manna sem eru frá vinnu á hverjum tíma vegna smits.

Bæði Þórólfur Guðnason, sótt­varna­læknir, og Willum Þór Þórsson, heil­brigð­is­ráð­herra, hafa brýnt fyrir lands­mönnum að sýna aðgát og huga að sótt­vörnum á meðan núver­andi bylgja far­ald­urs­ins er við lýði. Willum Þór hvatti lands­menn í morgun til að leggja sitt af mörkum til verndar við­kvæmum hópum og þannig verja heil­brigð­is­kerfið fyrir miklu álagi.

„Mönnun heil­brigð­is­kerf­is­ins hefur verið og er enn mikil áskorun vegna veik­inda starfs­fólks og gildir það jafnt um heil­brigð­is­stofn­anir, hjúkr­un­ar­heim­ili, heima­hjúkrun og skylda þjón­ustu,“ segir í til­kynn­ingu frá heil­brigð­is­ráðu­neyt­inu.