Átök á Alþingi: „Formaður Viðreisnar, enn og aftur, eins ómálefnaleg og hún er nú“

Upp úr sauð milli Lilju Alfreðs­dóttur, við­skipta­ráð­herra, og þing­flokks Við­reisnar á Alþingi í dag. Hanna Katrín Frið­riks­son, þing­flokks­for­maður Við­reisnar, sak­aði Lilju um per­sónu­lega óvild í garð Þor­gerðar Katrínar Gunn­ars­dóttur, for­manns Við­reisnar. Lilja kastaði bolt­anum þá til baka og sagði þessa per­sónu­legu óvild frekar vera frá þing­flokki Við­reisnar í garð hennar sjálfrar.

Í óund­ir­búnum fyr­ir­spurna­tíma, undir liðnum „fund­ar­stjórn for­seta“, spurði Sigmar Guð­munds­son, þing­maður Við­reisnar, Lilju Alfreðs­dóttur hvort hún hygð­ist hækka veiði­gjöld í ljósi þess að þing­meiri­hluti væri fyrir mál­inu, óháð rík­is­stjórn­ar­vilja.

„Ætlar ráð­herra að standa við stóru orðin, fylgja þeim eftir eins og alvöru for­ystu­fólk gerir og sjá til þess að meiri­hluta­vilji þings­ins ráði óháð rík­is­stjórn­ar­vilj­anum og þjóðin fái hærra og rétt­lát­ara gjald fyrir auð­lind­ina?“spurði Sigmar.

Var ósáttur með svör ráðherra

Lilja svar­aði á þá leið að þegar ákveðnar atvinnu­greinar væru farnar að skila gríð­ar­legum hagn­aði þyrfti að skoða það. Hún sagð­ist telja að það væri eðli­legt og sann­gj­ant gagn­vart sam­fé­lag­inu að gera það. Lilja bætti því við að sér væri orðið mjög ljóst hversu fram­farasinnuð sú rík­is­stjórn væri sem hún sæti í og að það kæmi henni ekki á óvart ef rík­is­stjórnin kæmi á óvart í þessu máli.

Sigmar var ekki nógu ánægður með svör Lilju, þótti þau helst til óljós, og ítrek­aði því fyr­ir­spurn­ina.

Lilja svar­aði ítrekun Sigmars á þann veg að það væri alltaf gaman að vera á þingi þegar menn yrðu svekktir. „Mér finnst eins og Sigmar hafi orðið svekktur.“ Að hennar mati hafi svar hennar verið býsna skýrt og öfl­ugt.

„Heyriði hvernig liðið lætur?“

Á þessum tíma­punkti greip Þor­gerður Katrín Gunn­ars­dóttir, for­maður Við­reisnar, fram í og hlátra­sköll heyrð­ust úr sal. Það gekk ber­sýni­lega fram af Lilju. „Heyriði hvernig liðið lætur? Formaður Við­reisnar, enn og aftur, eins ómál­efna­leg og hún er nú. Ég vil bara koma þessu á fram­færi hér. Ég vil bara gera það.“

Þegar Lilja ætl­aði að halda áfram máli sínu var aftur gripið fram í úr salnum. „Má ég tala? Enn og aftur byrjar for­maður Við­reisnar. Hún ræður ekki við sig […] Það sem ég vildi segja hins­vegar; já, við munum beita okkur. Við erum í stjórn­málum til að hafa áhrif. Það höfum við sann­ar­lega gert á síð­asta kjör­tíma­bili og munum halda áfram að gera. Það sem ég held að sé að ger­ast hjá Viðreisn – hún er ein­fald­lega stressuð. Það er verið að taka for­ystu í málum sem skipta þjóð­ina máli í sjáv­ar­út­vegi. Og ég minni á það að Viðreisn og hátt­virtur for­maður Við­reisnar, hún var sjáv­ar­út­vegs­ráð­herra. Hvað gerði hún? Ekkert. Ekkert.“

Sagði framkomu ráðherra óboðlega

Næst steig Hanna Katrín Frið­riks­son, þing­flokks­for­maður Við­reisnar, í pontu og var mikið niðri fyrir. Hún gerði athuga­semd við fram­komu ráð­herr­ans og sagði hana alger­lega óboð­lega þegar verið væri að ræða mál­efni sem varð­aði þing og þjóð. „Ráðherra er ófær um að svara þeirri spurn­ingu að því er virð­ist vegna per­sónu­legrar óvildar í garð for­manns Við­reisnar. Óvildar sem hún verður sjálf að svara fyrir, ef hún treystir sér til, hvaðan er sprottin.“ Hanna Katrín bætti því við að við­skipta­ráð­herr­ann væri „ekki beint í far­ar­broddi þeirra sem hafa lyft veg og virð­ingu Alþingis sem mest.“

Sagði óvildina fremur á hinn veginn

Lilja Alfreðs­dóttir kom aftur í pontu og sagð­ist sann­ar­lega hafa svarað Sigmari. Það væri hennar skoðun að auka ætti gjald­töku á fyr­ir­tæki sem skil­uðu ofur­hagn­aði. „Þetta var mjög skýrt. Ég held hins vegar að þessi per­sónu­lega óvild sé mun fremur hjá þing­flokki Við­reisnar í garð ráð­herr­ans. Ég verð bara að segja eins og er, ég hef sjaldan séð hátt­virtan þing­mann jafn æsta og þegar hún kemur hingað í pontu; annað hvort að spyrja hátt­virtan ráð­herra út í ein­hver mál­efni, eða að fjalla…“

Aftur var gripið fram í úr sal og virð­ist það að þessu sinni hafa verið Hanna Katrín Frið­riks­son.

„Má ég svara? Ég er að fara yfir þetta, hátt­virtur þing­maður. Að ég svar­aði fyr­ir­spurn­inni, mál­efna­lega, og er búin að und­ir­búa þann mál­flutn­ing mjög vel.“

Logi Ein­ars­son, for­maður Sam­fylk­ing­ar­innar, tók undir gagn­rýn­ina á Lilju og sagði hana hafa nýtt megnið af tíma sínum í pontu til að ráð­ast á for­mann Við­reisnar, í stað þess að svara fyr­ir­spurn þing­manns flokks­ins. Andrés Ingi Jónsson, þing­maður Pírata, sagði Lilju hafa farið yfir strikið.

Gísli Rafn Ólafsson, þing­maður Pírata spurði hvort þing­menn væru á skóla­þingi.

Ingi­björg Isaksen, þing­maður Fram­sóknar, bað fólk um að sýna þing­inu og hvert öðru virð­ingu.