Óvenju mörg andlát eldra fólks síðustu vikur

Óvenju tíð and­lát hafa orðið síð­ustu vikur og mán­uði á dvalar- og hjúkr­un­ar­heim­ilum. Margt eldra fólk hefur lát­ist eftir að Covid-19 smit komu upp á heim­il­inum og margar and­látstil­kynn­ingar birt­ast þessa dag­ana.

Morg­un­blaðið ræddi við Pálma V. Jónsson, yfir­lækni á öldr­un­ar­lækn­inga­deild Land­spít­al­ans um hvort and­lát eldra fólks hafi verið óvenju­tíð und­an­farið og hvort rekja megi mörg þeirra til Covid.

„Ég er ekki með ná­kvæma töl­fræði við hönd­ina en það virð­ist vera auk­in tíðni and­láta þessa dag­ana. Ég hef held­ur ekki upp­lýs­ing­ar um dánar­or­sak­ir. Ég tel mik­il lík­indi fyr­ir því að kór­ónu­veir­an sé nú að verki og valdi þess­ari aukn­ingu í ár. Þá er einnig nokkuð lík­legt, að mínu mati, að dán­artíðnin sé held­ur meiri en í með­al­ári, þar sem sótt­varn­ir hafa verið mikl­ar í tvö ár og fólk haldið sér til hlés.“ seg­ir Pálmi og heldur áfram:

„Nú er hins veg­ar dregið úr sótt­vörn­um al­mennt talað og smit í sam­fé­lag­inu í hæstu hæðum. Þá er það svo að bæði gest­ir og gang­andi og einnig starfs­fólk á sjúkra­stofn­un­um veik­ist. Öllum þessu sýk­ing­um fylg­ir ákveð­inn tími í byrj­un veik­inda, þar sem fólk er tals­vert smit­andi en ein­kenna­laust eða lítið og sá tími get­ur verið hættu­leg­ur við­kvæmu fólki.“