Erla gagnrýnir afsökunarbeiðni Frosta – „Xxx er ekki ofbeldismaður og hefur aldrei verið.“

„Mér finnst ekki rétt að hann stígi fram og seg­ist vera búinn að vinna í sínum málum miðað við það hvernig hann kom fram í mínu máli,“ segir Erla Gunn­ars­dóttir um afsök­un­ar­beiðni Frosta Loga­sonar í við­tali við Frétta­blaðið.
Erla er ein þriggja kvenna sem kærðu sama mann­inn vegna ofbeldis sem þær sögð­ust hafa orðið fyrir af hans hálfu. Tvær þeirra komu fram í við­tali fyrir tæpu ári en ákvað Erla að segja sína reynslu eftir atburði vik­unnar.
Árið 2019-2020 átti sér stað umgengn­is­mál mili Erlu og barns­föður hennar sem hún hafði lagt fram kæru vegna meints ofbeldis. Erla vildi að umgengni manns­ins við barn þeirra væri undir eft­ir­liti en tekur hún fram að krafan hafi verið vel rök­studd.

Frosti var þá trún­að­ar­maður manns­ins og vitn­aði um karakter hans í umgengn­is­máli og skrif­aði meðal ann­ars bréf til sýslu­manns en hafði Frosti þá aðeins þekkt mann­inn í rúmt ár. Í bréf­inu sagði meðal ann­ars:
„xxx er ekki ofbeld­is­maður og hefur aldrei verið.“
Í bréf­inu segir einnig:
„Það eru því miður ekki allir sem ná jafn góðum árangri og xxx en hann er eitt af þessum til­fellum þar sem menn upp­skera eins og þeir sá, því xxx hefur eins og áður segir lagt sig allan fram í að leggja rækt við sína edrú­mennsku.“
Hægt er að lesa við­talið við Erlu í heild sinni á vef Frétta­blaðs­ins.