Björn Ingi stríðsfréttaritari

Björn Ingi Hrafns­son á Viljanum hefur marga fjör­una sopið und­an­farin ár. Hann á að baki gjald­þrot og tröppu­gang í líf­inu sem flestum þætti nóg um. Hann má þó eiga það að hann rís upp jafn­harðan og hann hefur fallið til jarðar. Sú seigla hans að mæta á mörg hund­ruð blaða­manna­fundi Þrí­eyk­is­ins svo­nefnda, hefur vakið athygli og sum­part aðdáun. Nú hefur kapp­inn tekið enn eitt skrefið í upp­risu sinni og er mættur til Úkraínu, á miða aðra leið, til að fjalla um stríðið og hörm­ungar þess. Þar þarf bæði kjark og áræði. Reikna má með að hann birt­ist á blaða­manna­fundum ytra undir slag­orð­inu Björn Ingi á Viljanum hér. Skemmti­leg­ast væri ef hann næði að króa stríðs­dólg­inn Vladimir Putin af ein­hvers­staðar handan víg­lín­unnar með ágengar spurn­ingar sínar. Áform hans munu vera þau, ef marka má Frétta­blaðið, að selja íslenskum fjöl­miðlum stríðs­fréttir sínar …