Ungum fíklum fækkar – Snemmtæk inngrip skila árangri

Inn­lögnum sjúk­linga, 25 ára og yngri, á sjúkra­húsið Vog hefur fækkað til muna síð­ustu ár. SÁÁ greindi frá þessu og segir einnig fækka umtals­vert í yngsta hópnum, 19 ára og yngri.

Árið 2011 voru 656 inn­lagnir ein­stak­linga 25 ára og yngri en fækkað hefur jafnt og þétt í hópnum og náði fjöld­inn lág­marki árið 2020 þegar 330 inn­lagnir voru á þessu ald­urs­bili. Í fyrra fjölg­aði lít­il­lega í hópnum en þá voru inn­lagn­irnar 390 tals­ins. Samkvæmt til­kynn­ingu SÁÁ er þessi fækkun fólgin í því að sér­stak­lega hefur verið hugað að snemmtæku inn­gripi fyrir ung­menni með fíkni­sjúk­dóm og sé ekki tengd Covid-19 far­aldr­inum.

Árið 2019 voru 2137 inn­lagnir á 1624 ein­stak­lingum á sjúkra­húsið Vog, 369 þeirra voru 25 ára eða yngri.

Til­kynn­ing­una í heild sinni má sjá hér fyrir neðan.

„Ánægju­legu frétt­irnar af unga fólk­inu

Það er mikið fagn­að­ar­efni að áfram fækkar inn­lögnum á sjúkra­hús­inu Vogi í yngsta hópnum 19 ára og yngri. Sama er að segja um þró­un­ina í heild fyrir 25 ára og yngri. Á síð­ustu tíu árum hefur inn­lögnum ein­stak­linga í þessum ald­urs­hópi fækkað hægt og bít­andi eins og sjá má í með­fylgj­andi grafi. Á það er vert að benda að sér­stak­lega hefur verið hugað að snemmtæku inn­gripi fyrir ung­menni 25 ára og yngri með fíkn­sjúk­dóm og er fækk­unin því ekki vegna skerð­ingar á aðgengi í Covid-19 far­aldr­inum.“