Björn Leví þreyttur á svörum Bjarna: „Að Lyf og heilsa geti keypt banka á afslætti er bara rugl!“

Björn Leví Gunn­ars­son þing­maður Pírata er afar ósáttur við það hvernig staðið var að kaupum á hlut rík­is­ins í Íslands­banka. Telur hann svör Bjarna Bene­dikts­sonar fjár­mála og efna­hags­ráð­herra, sem Björn segir hann töngl­ast á, vera röng.

„Það eru settar þarna upp nokkrar aðferðir til þess að selja, þrjár mis­mun­andi aðferðir. Þarna var verið að nota þessa „lok­uðu til­boðs­leið“,“sagði Björn Leví í sam­tali við Mannlíf og hélt áfram: „Það bár­ust athuga­semdir frá umsagn­ar­að­ilum þar sem sú leið var gagn­rýnd en það var ekk­ert hlustað á það. For­send­urnar sem liggja fyrir þegar það er not­ast við þetta fyr­ir­komu­lag eru til þess að fara að finna lang­tíma­fjár­festa, þeir sem vilja taka áhætt­una og verða eig­endur. Allir sem þekkja til svona mála vita þetta. Þú notar ekki þetta til­boðs­ferli til þess að sópa upp ein­hverjum sem eru að bjóða 1, 2 eða 3 millj­ónir eða eitt­hvað þvíum­líkt.

Og sér­stak­lega af því að, og þetta er alveg lyk­il­at­riði, að til þess að fá inn þá sem eru til­búnir að taka ákveðna rekstr­ar­á­hættu og stíga inn í það félag sem verið er að bjóða út en það má svo sem deila um áhætt­una en hvað um það, þá er gef­inn afsláttur. Og þetta er það sem fjár­mála­ráð­herra og þau eru alltaf að töngl­ast á að sé full­kom­lega eðli­legt og það er alveg satt en það er eng­inn að tala um það gagn­vart stóru aðil­unum vegna ferl­is­ins yfir­leitt heldur að það sé verið að gefa þessum litlu aðilum. Þetta til­boðs­ferli er ekki notað til þess að safna til sín ein­hverjum gaurum sem að eru að bjóða milljón í þetta, að Lyf og heilsa geti keypt banka á afslætti er bara rugl!“ sagði Björn Leví aug­ljós­lega pirr­aður.

„Annars er almennt séð, afsláttur fyrir stóra fjár­festa sem ætla að vera eig­endur, bara í fínu lagi, eng­inn kvartar undan því. En fjár­mála­ráð­herra og allir sem apa eftir honum, halda því fram að það sé verið að kvarta yfir því að gef­inn hafi verið afsláttur en það er bara rangt, alveg rosa­lega pirr­andi rangt.

Þau töngl­ast bara á þessu, gjör­sam­lega óþol­andi! Það er verið að gagn­rýna að það sé verið að gefa pínu­litlum kaup­endum afslátt. Þeir eru að kaupa fyrir það lágar upp­hæðir að þeir eiga að geta keypt þetta á almennum mark­aði án afsláttar. Að þeim hafi verið sópað inn í þetta. Meira að segja voru stóru kaup­end­urnir skertir, þeir fengu ekki að kaupa eins mikið og þeir vildu. Og þessu litlu fengu að kaupa í stað­inn á afslætti. Þetta er gjör­sam­lega fárán­legt!“