Nicola Priest, 23 ára bresk móðir, var dæmd í 15 ára fangelsi fyrir að hafa orðið þriggja ára dóttur sinni að bana. Kærasti hennar, Callum Redfern, 22 ára, var dæmdur í 14 ára fangelsi fyrir sína aðild að málinu.
Parið „missti stjórn á skapi sínu“ þegar þau reyndu að fá barnið til að fara að sofa. Þau höfðu ætlað sér að stunda kynlíf og settu hana því upp í rúm klukkan 7 að kvöldi. Eins og mörg önnur börn á þessum aldri, vildi stúlkan ekki fara að sofa og réðust þau þá á hana, skyldu hana eftir og héldu í herbergi sitt. Barnið lét lífið um nóttina. Áverkar á stúlkunni voru í samræmi við það að falla niður þrjár hæðir og á steypu.
Nicola hringdi á neyðarlínu daginn eftir en þá var dóttir hennar þegar látin.
„Ef hringt hefði verið á aðstoð strax væri hún ekki látin,“ sagði Justice Foxton, dómari í málinu.
Nicola var virk á samfélagsmiðlaforritinu TikTok þar sem hún dansaði með dóttur sinni, hún setti inn myndnband daginn eftir andlátið þar sem hún þóttist gráta en engin tár var að sjá. Nokkrum dögum síðar var hún byrjuð að birta myndbönd af sér dansa.
Við krufningu kom í ljós að stúlkan hafði lengi lifað við ofbeldi að hálfu móður sinnar og kærasta hennar.
Þegar lögregla fór í gegnum síma Nicola komu í ljós óhugnaleg skilaboð sem hún hafði sent kærasta sínum nokkrum dögum fyrir andlát stúlkunnar: „Ég ætla að drepa hana, hún er alltaf að fara úr stofunni og inn í eldhús svo ég lamdi hana,“ skrifaði Nicola. Kærastinn svaraði þá „Lemdu hana frá mér líka.“
Nágranni mæðgnana sagði frá því að hafa ítrekað heyrt óhljóð úr íbúðinni. Í eitt skiptið heyrðist hávær dynkur, barnið gráta og Nicola segja „Ég segi bara að hún hafi dottið úr rúminu.“
Í yfirheyrslu spurði lögreglan kærasta Nicola hvernig honum liði eftir andlát barnsins: „Þetta er ekki mitt barn og hedur engin áhrif á mig,“ sagði hann.
Parið kenndi hvoru öðru um morðið en ljóst var að þau höfðu bæði beitt barnið alvarlegu ofbeldi. Þau voru dæmd í 14 og 15 ára fangelsi fyrir manndráp og ofbeldi gegn barni. Nicola var einnig dæmd fyrir vanrækslu gegn barni.
Athugasemdir