Hannes Hólmsteinn: „Í raun eru engir ofsóttir eins og hvítir, hægri sinnaðir karlar“

Arnar Gunn­laugs­son, þjálf­ari Víkings í Bestu deild karla var einn þriggja gesta í þætt­inum Vikunni hjá Gísla. Í þætt­inum var meðal ann­ars til umræðu mál ung­lings­pilts sem lög­regla hafði í tvígang afskipti af í tengslum við leit af stroku­fanga. Ung­lings­pilt­ur­inn var alls ótengdur mál­inu en átti það sam­eig­in­legt með hinum eft­ir­lýsta að vera dökkur á hör­und.

Arnar sendi frá sér yfir­lýs­ingu á Facebook í kjöl­far gagn­rýni á ummæli sem hann lét falla í þætt­inum Vikunni hjá Gísla Marteini síð­asta föstu­dag, eins og kunn­ugt er. Í yfir­lýs­ing­unni vildi hann biðj­ast afsök­unar vegna orða sinna.

„Þó ég sé vel vanur að koma fram í sjón­varpi þá er ég ekki vanur umræðu á opin­berum vett­vangi um mál­efni er varðar kyn­þátta­mis­rétti og svör mín gætu hafa komið þannig út eins og ég væri ekki alveg í takt við raun­veru­leik­ann.

Sér­stak­lega var ég ósáttur við sjálfan mig vegna ein­stakra orða sem ég not­aði. Mér til varnar, þá er alltaf stressandi að vera í beinni útsend­ingu, sama hversu vanur þú ert og orð eru sögð sem hljóma illa og end­ur­spegla ekki endi­lega mein­ing­una,“ segir Arnar en hann hefur meðal ann­ars verið gagn­rýndur fyrir að hafa notað orðið svert­ingi.

Engin er ofsóttur eins og hvítur, hægrisinnaður karl

Ekki eru allir sam­mála að hann hefði þurft að biðj­ast afsök­unar. Hannes Hólm­steinn Giss­ur­ar­son er ekki jafn sann­færður. Hann talar um á síðu sinni að fólk væri orðið ofur­við­kvæmt að afsök­un­ar­áratta væri orðin hálf­leið­in­leg og að það mátti segja allt um hvíta hægri sinn­aða karla, en að þeim væri engin grið gefin.

„Þessi ofur­við­kvæmni og afsök­un­ar­árátta er orðin hálf­leið­in­leg. Fyrir Guði eru allir jafnir, karlar og konur, hvítir og svartir, ríkir og fátækir. Fyrir lög­unum eiga líka allir að vera jafnir, þótt ekki sé það ætíð svo í reynd. Og ég segi um hör­und­s­lit hið sama og franska skáldið Lamartine: Ég er eins á lit­inn og allir þeir, sem ofsóttir eru og kúg­aðir. Í okkar heims­hluta eru raunar engir ofsóttir eins og hvítir, hægri sinn­aðir karlar (þótt lík­lega sé erfitt að halda því fram, að þeir séu kúg­aðir líka).

Það má segja allt um hvíta hægri sinn­aða karla. Þeim eru engin grið gefin. Þeim er aldrei fyr­ir­gefið. Til dæmis líkti Þor­valdur Gylfason pró­fessor Sjálf­stæð­is­flokknum við nas­ista­flokk: „Sjálf­stæð­is­menn sem tala um lýð­ræði orka nú orðið á mig eins og nas­istar að aug­lýsa gas­grill.“ Engin við­brögð urðu við þess­ari hat­urs­orð­ræðu hans. Munn­söfn­uður Gunnars Smára Egils­sonar, Illuga Jök­uls­sonar og Hall­gríms Helga­sonar, þegar þeir minn­ast á hægri menn, er svip­aður. En mörk góðs og ills liggja ekki milli stjórn­mála­flokka, heldur um hjarta hvers ein­asta manns.“