Tvítugur faðir ákærður fyrir manndráp – Skildi barnunga dóttur sína eftir úti í bíl

Tvítugur faðir hefur verið ákærður fyrir mann­dráp á dóttur sinni en hann skildi hana eftir í bíl á sól­ríkum degi.

Faðirinn fór inn á lög­reglu­stöð að sækja eigur sínar en hann hafði setið í fang­elsi stuttu áður, meðal þess sem hann sótti var byssa. Þegar hann kom á stöð­ina kom í ljós að hand­töku­heim­ild var á mann­inum eftir að hafa brotið skil­orð. Hann var því hand­járn­aður á stöð­inni en á meðan sat átta mán­aða dóttir hans ein úti í bíl.

Faðir stúlkunnar seg­ist hafa grát­beðið lög­reglu­þjón­ana um að fá að athuga með dóttur sína í bílnum, eða alla­vega fá að hringja í ætt­ingja sem gæti nálg­ast hana, hann segir lög­regl­una ekki hafa leyft honum það. Lög­reglan er þó ekki sam­mála mann­inum og segir hann ekk­ert hafa minnst á barn í bíl.

Nokkrum klukku­tímum síðar fékk mað­ur­inn loks að hringja í ætt­ingja en það var um seinan, amma stúlkunnar kom að henni lát­inni í bílnum. Faðirinn var í kjöl­farið ákærður fyrir mann­dráp en fjöl­skylda hans stendur við bakið á honum og segir lög­regl­una bera ábyrgð á dauða barns­ins.

Faðirinn hand­tek­inn.

Mynd: Mirror