Alþjóðleg vika snípsins var haldin hátíðleg: „Það þarf að passa að hann sé smurður“

Alþjóð­leg vika sníps­ins var haldin í fyrsta skipti dag­ana 6.-12.maí 2013 og vakti hún mikil við­brögð. Vikan var hugsuð sem vit­unda­vakn­ing fyrir sníp­inn sem ekki fengi næga athygli.

„Sníp­ur­inn er mjög van­met­inn því fólk veit ekki að hann er helsti unaðs­staður píkunnar og leið flestra til að fá full­næg­ingu er með örvun hans. Það þarf að passa að hann sé smurður áður en er nudd­aður og er það hægt að gera með bleytu úr píkunni, munn­vatni eða sleipi­efni. Sníp­ur­inn er risa­vaxið líf­færi en aðeins hluti af honum er sýni­legur,“ sagði kyn­fræð­ing­ur­inn Sigga Dögg í sam­tali við Smartland á MBL.

Sigga Dögg sagði ákaf­lega sorg­legt hve lítið er fjallað um sníp­inn í fræði­ritum og sé þessi vit­unda­vakn­ing því nauð­syn­leg enda sé hann ein helsta leið til unaðar. Þegar hún var spurð hvað hún leggi til að konur geri í þess­ari viku til­eink­að­ari snípnum svarar hún:

„Þetta er bara liður í því að leyfa kon­um að setja kröf­ur á kyn­lífið og sjálfa sig og maí er alþjóð­leg­ur sjálfs­fró­un­ar­mán­uður svo þetta fer einkar vel sam­an, kon­ur virð­ast ekki rúnka sér jafn­oft og karl­menn og byrja seinna á því en margt væri hægt að laga í sam­bönd­um og kyn­lífi ef báðir aðilar pössuðu upp á að sinna sér.“

Sigga Dögg hélt upp á vik­una með því að fræða land­ann. Hún hélt fyr­ir­lestr­a­röð fyrir norðan, ræddi málin í útvarpi og skrif­aði greinar. Lítið hefur verið rætt um þessa áhuga­verðu vit­unda­vakn­ingu sem leit fyrst dags­ins ljós fyrir níu árum.