Fannst látin á heimili foreldra sinna – Föst í 12 ár í sama sófanum

Lacey Ellen Fletcher, 36 ára, fannst látin í sófa á heim­ili for­eldra sinna, Sheila og Clay Fletcher. Lacey hafði auð­sýni­lega legið lengi í sóf­anum en lík hennar var fast við hann, hún lá í eigin þvagi og saur.

Dr. Ewell Bickham dán­ar­dóm­stjóri segir Lacey hafa legið í sóf­anum í að minnsta kosti tólf ár. Hún fannst þakin möðkum og sárum ásamt því að vera límd við holu sem hafði mynd­ast í sóf­anum. Lacey vóg rétt um 40 kíló.

Sófinn þar sem Lacey fannst.

Mynd: New York Post

For­eldrar hennar hafa verið ákærð fyrir morð af annarri gráðu en ganga nú lausir gegn trygg­ingu. Þau héldu því stað­fast­lega fram að dóttir þeirra hefði verið með sjald­gæfan tauga­sjúk­dóm sem kall­að­ist „locked in syndrome“ og því lömuð fyrir neðan háls. Dán­ar­dóm­stjór­inn sagði engar líkur á því að hún hafi verið með neins konar tauga­sjúk­dóm enda hafði hún ein­ungis verið greind með kvíða og ein­hverfu á háu stigi.

„Ég veit ekki hvaðan hug­takið kom en ég hef á öllum mínum árum sem læknir aldrei heyrt um þennan sjúk­dóm. Hún hitti síð­ast lækni þegar hún var 16 ára og var ein­ungis greind með kvíða og alvar­lega ein­hverfu,“ sagði dán­ar­dóm­stjór­inn fyrir dómi.

Sheila og Clay Fletcher.

Mynd: New York Post

For­eldrar Lacey njóta frelsis þar til mál þeirra fer fyrir dóm.