Fluttu inn mikið magn fíkniefna: „Ef einhver ætlaði að kaupa dóp var hægt að snúa sér til Bjössa“

Stóra fíkni­efna­málið svo­kall­aða vakti umtals­verða athygli í kringum ald­ar­mótin. Sak­borgn­ingar í mál­inu voru 19 tals­ins en fjórir þeirra voru sýkn­aðir.

„Ólafur fékk þyngsta fang­els­is­dóm­inn, 9 ár, og einnig var fé í hans vörslu, 5,2 millj­ónir kr., gert upp­tækt. Um er að ræða þyngsta dóm sem kveð­inn hefur verið upp í fíkni­efna­máli hér á landi. Sverrir  fékk næst­þyngsta dóm­inn, sjö og hálfs árs fang­elsi, og gert var upp­tækt fé, 21 milljón,“ sagði í Morg­un­blað­inu eftir að dómur féll í mál­inu þann 28.júní árið 2000.

Gunn­laugur nokkur var sum­ar­starfs­maður hjá Sam­skipum og nýtti sér aðstöðu sína til að flytja fíkni­efni til lands­ins í stór­tæku magni. Hann faldi efnin meðal ann­ars í raf­tækjum.

„Gunn­laugur, sem fæddur er 1972, var dæmdur í 4 ára og sex mán­aða fang­elsi. Hann var fund­inn sekur um að flytja inn mikið magn fíkni­efna til lands­ins og selja það að miklu leyti. Hann framdi brot sín að hluta í sam­vinnu við aðra og er það virt honum til refsi­þyng­ingar. Þá not­færði hann sér aðstöðu sína sem starfs­maður Samskipa hf. og brást trausti sem starfs­maður skipa­fé­lags. Brot hans þykja stór­felld og þaul­skipu­lögð. Hann var búsettur í Danmörku og starf­aði þar hjá Samskip. Sannað þykir að hann hafi flutt inn 7 kg af kanna­bis í félagi við einn með­á­kærða í sept­em­ber 1999. Þá flutti hann inn 38 kg af kanna­bis í 15 ferðum á tíma­bil­inu des­em­ber 1997 til sept­em­ber 1999, einn í fyrstu þremur ferð­unum, en síðar í félagi við einn með­á­kærðu. Sannað þótti að hann hefði flutt inn 150 töflur af MDMA í apríl 1999, 100 töflur af MDMA og 100 g af amfetamíni í júlí 1999,“ sagði í frétt Morg­un­blaðs­ins.

Aðrir sak­born­ingar sáu ýmist um að dreifa, selja og aðstoða við inn­flutn­ing efn­anna. Einn þeirra var Herbjörn en hann sá um nokk­urs­konar dóp­þjón­ustu í Kaup­manna­höfn og veitti alhliða þjón­ustu í þeim efnum. „Ef ein­hver ætl­aði að kaupa dóp erlendis og smygla til lands­ins var vitað að hægt var að snúa sér beint til Bjössa og fá afnot af dópleið­inni en þá þurfti líka að kaupa dópið hjá Bjössa. Það má segja að hann hafl bæði verið heild­sali og flutn­inga­miðl­ari í þessum efnum,“ sagði heim­ild­ar­maður DV árið 1999

„Þeir sem hlutu tveggja ára fang­els­is­dóm eða lengri voru Júlíus, 5 ár og sex mán­uðir, Gunn­laugur, 4 ár og sex mán­uðir, Rúnar, 4 ár, Guð­mundur 3 ár og sex mán­uðir, Valgarð, 3 ára fang­elsi, Ingvar, 2 ár og sex mán­uðir, Herbjörn, 2 ár og sex mán­uðir, og Haraldur, 2 ár. Einn sak­born­ingur var dæmdur í 18 mán­aða fang­elsi, einn í 15 mán­aða fang­elsi, einn í 10 mán­aða fang­elsi og loks fékk einn tveggja mán­aða skil­orðs­bund­inn fang­els­is­dóm.“