200 manns létu lífið þegar vél Flugleiða hrapaði

„Um 200 manns, þar af átta íslend­ingar, létu lífið þegar DC-8 þota frá Flug­leiðum fórst í lend­ingu við­flugvöllinn i Colombo á Ceylon, þar sem vélin var í pílagrímaflugi. Með vélinni voru 246 far­þegar og átta manna áhöfn, en auk þess voru í aukaáhöfn tveir flug­stjórar, flug­freyja, for­stöðumaður flug­deildar Flug­leiða og deild­ar­stjóri í Flug- deild Flug­leiða, eða sam­tals 13 íslend­ingar,“ sagði á for­síðu Vísis þann 16.nóv­em­ber árið 1978.

Mikið þrumu­veður var þegar flug­vélin reyndi að lenda í Colombo. Vélin flaug í gegnum tré og brot­lenti ofan á kofa á kókos­hnetu­plantekru, þar kom upp eldur í vél­inni, um sex kíló­metrum frá flug­vell­inum.

Björg­un­ar­sveitir náðu til sex­tíu manns sem lifðu slysið af, þar af voru fimm íslend­ingar. Tuttugu manns lét­ust við kom­una á spít­al­ann en tutt­ugu og þrír fengu að fara eftir minni­háttar aðhlynn­ingu.

Flug­vélin var á leið til Jövu frá Saudi-Arabiu með milli­lend­ingu í Colombo.

„Flugvélin sem fórst, TF-FLA, var ein af þremur flugvélum af gerð­inni DC-8 sem Flug­leiðir áttu. Hún var keypt árið 1975. Þetta var fyrsta ferðin í síð­ari hluta píla­grima­flugs Flug­leiða á milli Indónesíu og Saudi- Arabiu. Í frétta­til­kynn­ingu um slysið segir að stjórn félags­ins og starfsfólk sé harmi slegið og votti aðstand­endum þeirra sem fórust dýpstu samúð,“ sagði í frétt Vísis.

„RÉTT áður en flugvél Flug­leiða hrap­aði til jarðar í aðflugi að Katunyake-flug­velli við Colombo á Sri Lanka í fyrra­dag gaf flug­stjórinn hreyfl­unum fullt afl. Þetta kom fram í sam­tali, sem Dag­finnur Stefánsson flug­stjóri átti eftir slysið við Harald Snæhólm flug­stjóra, sem var í aukaáhöfn og sat aft­ast í vélinni. Með vélinni voru 259 mannsi 246 indónesískir pflagrímar og 13 íslend­ingar> átta manna áhöfn og fimm manna aukaáhöfn. í slys­inu fórust 188 far­þegar og átta íslend­ingar, þar af 5 úr áhöfninni, eins og skýrt er frá ann­ars staðar á síðunni. en í gærkvöldi var tala látinna orðin 207. Fimm íslend­ingar lifðu af slysiðt Harald Snæhólm og flug­freyj­urnar Jónína Sig­marsdóttir, Kristín E. Krist­leifsdóttir, Oddný Björgólfsdóttir og Þuríður Vilhjálmsdóttir. Þau voru flutt í sjúkrahús í Negambo, þar sem flugvöllur­inn er. Ekki höfðu í gærkvöldi borizt nákvæmar fréttir af þeim, en þó var vitað, að Oddný var mjaðma­grind­ar­brotin og Harald hafði skaddazt á hrygg. Ekkert þeirra mun þó vera líffs­hættu­lega slasað,“ sagði í Morg­un­blað­inu.