Illugi Jökulsson, fjölmiðlamaður og samfélagsrýnir finnst: „Þetta óskiljanleg ákvörðun, og hryggileg. Pólitík, en ekki í þágu kjósenda VG, heldur eitthvað bix til að þóknast Katrínu,“ segir hann.
Blaðamaðurinn Jakob Bjarnar Grétarsson tekur undir þetta hjá Illuga.
„Þetta er … spes. Íslensk stjórnmál eru alveg stropuð,“ segir um þá ákvörðun Lífar Magneudóttur, oddvita VG, að gefa ekki kost á meirihlutasamstarfi með fráfarandi meirihluta eftir kosningarnar á laugardag.
„Eftir að hafa ráðfært mig við félaga mína erum við sammála um að niðurstaða kosninganna kalli á að við Vinstri græn leggjumst vel yfir það hvernig okkur getur tekist betur að koma okkar málefnum til skila,“ sagði hún og bætti við:
„Til þess ætlum við að gefa okkur svigrúm. Ég tilkynnti því samstarfsfélögum mínum í fráfarandi meirihluta að við Vinstri græn sækjumst ekki eftir því að taka þátt í viðræðum um meirihlutasamstarf.“
Jakob Bjarnar á erfitt með að átta sig á þessari ákvörðun og hann er ekki einn um það.
„Vg ætla að gefa sér andrými, hugsa sinn gang og gefa ekki kost á sér til frekara meirihlutasamstarfs í meirihluta sem … kennir sig við félagshyggju. Tónninn er sá að Vg hafi á einhvern hátt skaðast af því samstarfi. Sá sé lærdómurinn af þessum kosningum. En þeim finnst ekkert tiltökumál, engin sérstök ástæða til að staldra við og velta fyrir sér því hvort vert er að vera í ríkisstjórnarsamstarfi með Bjarna og Sjálfstæðisflokki hans í tvö kjörtímabil. Afsakið mig en ég sé ekki í þessu heila brú.“
Athugasemdir