Íslenska ríkið greiddi rúmar 125 milljónir fyrir flutning vopna – Rússar lýsa yfir óánægju sinni

Íslenska ríkið hefur þegar greitt rúm­lega 125 millj­ónir króna fyrir flutn­ing her­gagna til notk­unar í Úkraínu. Í svari Þórdísar Kol­brúnar Reyk­fjörð Gylfa­dóttur við spurn­ingu Rósu Bjarkar Brynj­ólfs­dóttur, vara­þing­manns Sam­fylk­ing­ar­innar, kemur fram að aðal­lega sé um að ræða skot­færi. Spurn­ingar Rósu voru í fjórum liðum og voru  eft­ir­far­andi:

1. Hversu háa upp­hæð greiddi íslenska ríkið fyrir flutn­ing á her­gögnum til notk­unar í Úkraínu?

2. Hvers konar her­gögn voru flutt og hversu stórt var hlut­fall her­gagna af send­ing­unni

3. Hvers konar bún­aður annar var með í flutn­ingnum?

4. Er áætlað að fara í meiri og fleiri flutn­inga á her­gögnum og bún­aði til Úkraínu?

Þá kemur fram að ítar­legar upp­lýs­ingar um farm­inn séu trún­að­ar­mál. Þá hafa stjórn­völd heim­ild til þess að tak­marka þurfi aðgengi almenn­ings á slíkum upp­lýs­ingum þegar um sé að ræða almanna­hags­muni.

Nákvæmar upp­lýs­ingar um farm­inn séu þó trún­að­ar­mál en í svar­inu er vísað til ákvæði upp­lýs­inga­laga sem heim­ilar stjórn­völdum að tak­marka aðgengi almenn­ings að gögnum þegar mik­il­vægir almanna­hags­munir séu undir. Í svari Kol­brúnar kemur einnig fram að vilji sé fyrir hendi að halda flutn­ingi her­gagna áfram. Íslensk stjórn­völd hafa þegar upp­lýst banda­lags­ríki sín um það, hvar þau standa, en ákvarð­anir um fram­haldið ráð­ast af þróun stríðs­ins í Úkraínu. Rúss­neska sendi­ráðið í Reykja­vík sendi frá sér yfir­lýs­ingu í mars síð­ast­liðnum og lýsti yfir óánægju sinni yfir aðkomu íslenskra stjórn­valda. Spurn­ingar Rósu má lesa hér og svör Kolbúnar hér.
Vísir fjall­aði fyrst um málið.