Í hugum margra er meme einkum brandarar, myndir eða myndbönd sem fljúga um netheima og deilt áfram. En í raun getur meme verið hvað það sem er hægt að herma eftir og það þarf ekki endilega að vera fyndið.
Á viðlíkan hátt og gen afritast frá foreldrum til afkvæma eru meme menningarleg gen eða stef sem eru höfð eftir og afrituð með tilbrigðum og þróast. Fyrir tilstilli meme verður til menningarlegt mynstur eða hegðunarmynstur sem berst á milli manna innan menningarsvæðis.
Áður fyrr dreifðust meme yfirleitt innan staðbundinna menningarheima eða samfélagshópa. Segja má að eins konar straumhvörf hafi orðið á meme með tilkomu Internetsins. Með alþjóðlegu samfélagi urðu til nýir möguleikar og meme gátu farið um allan heim. Meme varð þekkt hugtak meðal almennings en segja má að merkingin hafi jafnframt þrengst á síðari árum, samkvæmt upplýsingum af Vísindavefnum.
Íslenska athugasemdakerfið
Athugasemdakerfin geta verið fjársjóður áhugaverðra athugasemda og skoðana. Twitter notandi hafði orð á því hversu mikið skemmtilegri athugasemdakerfin gætu orðið ef það væri hægt að birta athugasemdina sem meme.
Þegar fjölmiðlar tengdu sig við athugasemdakerfi (ummælakerfi / kommentakerfi) Facebook fengu notendur vettvang til að láta í sér heyra. Margir þeirra höfðu verið með blogg á bloggveitum. Í frumútgáfu athugasemdakerfa fjölmiðla birtist setningin: „Virkur í athugasemdum,“ hjá þeim sem mest höfðu sig í frammi á þeim vettvangi. Síðar var þessum viðbótum eytt úr ummælakerfinu en þeir sem hafa verið mest áberandi hafa verið kallaðir: „Virkir í athugasemdum.“ Þeir sem eru orðljótastir hafa verið kallaðir „Myrkir í athugasemdum.“ Sumir þeirra hafa stundum fengið á sig orðið að vera nettröll.
Ísak segir í tvít færslu sinni að: „Kommentakerfið væri mun skemmtilegri staður ef athugasemdir birtust sem meme með myndum af viðkomandi.“
Þá er hann eflaust að pæla í því að með hverri athugsemd væri mynd af viðkomandi. Þá væri bara hægt að nota t.d. facebook profile myndina sína og bæta svo við myndina því sem þig langaði að setja fram, sem athugasemd við færslu. Hér að neðan er þetta sýnt.
Sitt sýnist hverjum:
Athugasemdir