Pétur guðfræðingur: „Ég er 41 árs og er enn í uppgjöri vegna pabbaleysisins“

Pétur G. Markan ræðir um birt­ing­ar­myndir sorgar í litlum sam­fé­lögum í hlað­varps­þætt­inum Með vitj­anir á heil­anum á RÚV, sem Anna María Björns­dóttir og Júlía Margrét Ein­ars­dóttir á vefrit­stjórn tóku saman. Hlað­varps­þátt­ur­inn fer inn á efn­is­tök íslensku þáttar­að­ar­innar Vitjanir, sem hafa verið sýndir á RÚV síð­ustu miss­eri. Pétur sem er guð­fræð­ingur og fyrrum bæj­ar­stjóri í Súðavík missti föður sinn sautján ára gam­all.

„Ég fæ meira að segja enn þá, 41 árs, svona blússandi öfund­ar­til­finn­ingu út í vini mína sem eru eitt­hvað að sýsla með pabba sínum,“ segir Pétur í sam­tali við Júlíu.

Ræðir stundum heillengi við föður sinn

„Ég missti pabba minn þegar ég var sautján ára. Og því fylgja alls konar til­finn­ingar og upp­gjöf í líf­inu. Ég er 41 árs og er enn í upp­gjöri vegna pabba­leys­is­ins. Ég fæ meira að segja enn þá, 41 árs, svona blússandi öfund­ar­til­finn­ingu út í vini mína sem eru eitt­hvað að sýsla með pabba sínum, enn þann dag í dag.“

Pétur tala um í þætt­inum að hann upp­lifi öfund­ar­til­finn­ingin sem birst á þann veg að hann geti orðið leið­in­legur við vini sína, vegna þess að þeir fá að stúss­ast með feðrum sínum en hann ekki. „Þessar til­finn­ingar fara líka alveg út í það að ég á heilu og hálfu sam­tölin við pabba minn, bara á venju­legum degi. Og þegar maður er að brjóta heil­ann um flókin mál eða er í flók­inni stöðu,“ þá seg­ist hann ræða heil­lengi við föður sinn.

Tráma lifir í samfélaginu 

„Ég veit ekki hvort ég eigi að kalla það skugga en svo sann­ar­lega lifir eftir trámi í sam­fé­lag­inu,“ segir Pétur, þegar hann ræðir um snjó­flóðið á Súðavík. Pétur og hans fjöl­skylda bjuggu í sjö ár í Súðavík á árunum 2014-2019 og voru algjör­lega inn­vígð í sam­fé­lagið og hluti af menn­ingu þess. Snjó­flóðið var en tveimur ára­tugum fyrr, þann 16. jan­úar 1995 þar sem fjórtán manns lét­ust, þar af átta börn.

„Í Súðavík var tekin ákvörðun til­tölu­lega fljótt að byggja upp að nýju, það fluttu ekki margir í burtu heldur var þetta sam­fé­lag sem var ótrú­lega sam­hent og vinnu­fúst.“ Sam­fé­lagið hafi sett undir sig haus­inn og þykir Pétri það ótrú­legt fyr­ir­bæri og aðdá­un­ar­vert. Hálfu ári síðar hafi annað flóð fallið í nágranna­sam­fé­lag­inu Flateyri og segir Pétur það mjög merki­legt að sjá hvernig þessi tvö sam­fé­lög hafi unnið ólíkt úr þessum skelfi­legu atburðum.

„Það kann að vera að það hafi að ein­hverju leyti lok­ast inni þessi harmur. Og þessi útrás sem þú þarft að fá og veita í gegnum áfalla­með­ferð og annað, hafi kannski ekki komið og komið of seint.“

Stundum finnst mér ég geta þreifað eftir útlínum hans

Þegar fólk leiti ráða hjá Pétri og spurji hvort hann trúi því að fram­liðnir ást­vinir séu enn á meðal vor, seg­ist hann vísa í eigin reynslu. „Er hann þarna eða ekki? Jú,“ segir Pétur. „Svo aug­ljós­lega að stundum finnst mér að ég geti þreifað eftir útlínum hans. Ég myndi vísa í eigin reynslu hvað þetta varðar, ég held að það sé ein­fald­ast.“

HÉR er hægt að hlusta og lesa við­talið í heild sinni.