Týnt barn fannst áratugum síðar – Rænt af meðlimum trúarhóps

Kona sem hvarf sem barn árið 1981, er fundin. For­eldrar kon­unnar, Holly Clouse, fund­ust myrtir í skógi í Texas árið 1981 en ekki var hægt að bera kennsl á þau á þeim tíma. Áratugum síðar, með hjálp sam­tak­anna Identif­ind­ers International, komust þau að þeirri nið­ur­stöðu að hjónin sem fund­ust voru þau Tina og Harold Clouse. Auk þess komust þau að því að hjónin áttu barn sem fannst ekki hjá þeim í skóg­inum.

 „Þau voru ungt par og þegar við fréttum að þau áttu unga dóttur, hófst leitin að Holly,‘‘ sagði Brent Webster, fyrsti aðstoð­ar­sak­sókn­ari í Texas. Í ljós kom að Holly hafði verið tekin af með­limum trú­ar­sam­taka og skilin eftir í kirkju í Arizona.

„Tvær konur sem sögð­ust vera með­limir trú­ar­hóps. Þær voru klæddar hvítum skikkjum og ber­fættar. Gáfu þær til kynna að trú­ar­brögð þeirra inni­héldu aðskilnað karl­kyns og kven­kyns með­lima. Þá sögð­ust þær aðeins borða græn­meti og ekki nota eða klæð­ast leð­ur­vörum.“ Holly var í kjöl­farið ætt­leidd og alin upp af nýrri fjöl­skyldu. Í dag er hún 42 ára gömul, búsett í Oklahoma með fimm börnum sínum. Eftir ára­tugi hefur hún verið kynnt fyrir líf­fræði­legri fjöl­skyldu sinni, á ný.