Uppselt á afmælistónleika Bjartmars: „Mjöðmin er bara eins og á Michael Jackson!“

Afmæl­is­barn dags­ins er einn ást­sæl­asti tón­list­ar­maður lands­ins, Bjartmar Guð­laugs­son. Um er að ræða stóraf­mæli en Bjartmar er sjö­tugur í dag.

Bjartmar er eitt af óska­börnum þjóð­ar­innar en flestir ef ekki allir þekkja lög hans og texta. Hefur hann gefið út á annan tug sólóplatna og með öðrum. Af þekkt­ustu lögum hans mætti nefna Fimmtán ára á föstu, Sum­ar­liði er fullur, Týnda kyn­slóðin, Súrmjólk í hádeignu, Velkomin á bís­ann og bissí Krissí. Til gam­ans má geta þess að Bjartmar var trommu­leik­ari til að byrja með í hljóm­sveitum á borð við Loga, Dauða­refs­ingu, Eymönnum og Glitbrá.

Mannlíf hringdi í Bjartmar og spurði hann út í afmæl­is­dag­inn og hvort hann ætl­aði að halda upp á hann.

„Nei, ég er bara á fullu við að und­ir­búa tón­leik­ana sem ég er með á laug­ar­dag­inn í Háskóla­bíói. En það er að vísu upp­selt þannig að við snúum okkur bara að því að æfa.“

Aðspurður hvort hann ætli ekki að bæta við aukatón­leikum svarar Bjartmar því ját­andi þó það verði ekki alveg á næst­unni. „Jú eða það verður tón­leika­þrenna í Bæj­ar­bíói snemma í haust. Svo verð ég á Gos­loka­há­tíð­inni í Vest­manna­eyjum þann fyrsta.“

Þegar blaða­maður Mannlífs, sem þekkir Bjartmar per­sónu­lega, spyr í gríni hvernig mjöð­min sé svarar Bjartmar hlæj­andi: „Mjöðmin er bara eins og á Michael Jackson!“

Mannlíf óskar hinum frá­bæra Bjart­mari inni­lega til ham­ingju með stóraf­mælið!