Sjálfsprottin Gleðiganga í Osló – Norðmenn láta sér ekki segjast og fagna í skugga hryðjuverka

Skipu­leggj­endur gleði­göng­unnar í Osló til­kynntu í morgun að göng­unni sem og öðrum hátíð­ar­höldum yrði aflýst vegna atburða næt­urnar. Byssu­maður drap tvær mann­eskjur og særði hátt í tutt­ugu manns, en talið er að árásin hafi beinst gegn hinsegin fólki. Skipu­leggj­endur sögðu þessa ákvörðun hafa verið tekna sam­kvæmt til­mælum lög­reglu.

Håvve Fjell, Norð­maður.

Mynd: NRK.no

Þessi ákvörðun hefur farið illa í marga, þar á meðal Pál Óskar, sem sagði fyrr í dag: „Nú er einmitt rík ástæða til að fara í til­finn­inga­þrungna og kraft­mikla göngu.“ Ekki verður betur séð en Norðmenn hafi gert akkúrat það í dag og þar með hundsað til­mæli lög­reglu. Á Twitter má sjá myndir úr fjöl­mennri og sjálf­sprott­inni Gleði­göngu í Osló.

Rík­is­fjöl­mið­ill­inn NRK greinir frá því að þús­undir hafi tekið þátt, þar á meðal Håvve nokkur Fjell. Hann segir í sam­tali við NRK að þó hann skilji ákvörðun skipu­leggj­enda og lög­reglu þá sé hann ein­fald­lega ósam­mála henni. „Engin Gleði­ganga væri sigur fyrir ódæð­is­mann­inn. Og auk þess gæfi það til kynna að ef þér tekst að hræða fólk, þá hætti það að tjá sig,“ segir Fjell