Hreimur gaf út lag á afmælisdaginn sinn: „Dagurinn byrjaði nú ekki vel“

Afmæl­is­barn dags­ins er eng­inn annar en Hreimur Örn Heim­is­son, popp­söngv­ari með meiru. Telja árin hans nú fjóra ára­tugi og fjögur ár til við­bótar.

Hreimur sló ræki­lega í gegn í lok síð­ustu aldar með hljóm­sveit sinni Land og synir en einnig hefur hann sungið og spilað með böndum á borð við Föroinga­bandið, Sexapp­eal, Eins og hinir, Richter og nú síð­ast Made in sveitin. Þá hefur Hreimur einnig gefið út sól­ó­efni, keppt í Eurovision með Vinum Sjonna og flutt gríð­ar­lega vin­sæl þjóð­há­tíð­ar­lög, svo eitt­hvað sé nefnt.

Mannlíf heyrði í Hreimi og spurði hann hvort og þá hvernig hann ætl­aði að halda upp á afmælið.

„Dagurinn byrj­aði nú ekki vel,“ sagði Hreimur og hljó. „Ég kastaði upp klukkan tvö í nótt. Ég veit ekki af hverju, senni­lega eitt­hvað sem ég borð­aði. Annars hefur dag­ur­inn verið bara mjög fínn, er búinn að fá afmæl­is­gjöf frá kon­unni og börn­unum og spila svo upp á Skaga í kvöld, á úti­tón­leikum með Gunna Óla og Siggu Bein­teins. Já og svo gaf ég út lag á mið­nætti. Fyrsti singúll­inn af næstu plötu hjá mér. Lagið heitir Sólin er sest og finnst á Spotify.“

Framundan er frá­bært sumar hjá Hreimi en hann mun senni­lega skemmta á öllum úti- og bæj­ar­há­tíðum lands­ins.

„Það er svo mikið framundan, ég er á Kóti­lett­unni um næstu helgi, Græna hatt­inum þar næstu helgi, svo er það Þjóð­há­tíðin og Þórsmörk í byrjun ágúst og Flatey í ágúst og Ljósa­nótt. Tón­leikar úti um allt.“

Mannlíf óskar Hreimi inni­lega til ham­ingju með afmælið!