Skipið m.s. Berglind sökk fyrir utan strendur Nýfundnalands

Berglind sökk fyrir utan strendur Nýfundnalands

Rétt fyrir klukkan þrjú i gær­dag sökk m.s. Berglind um fimm sjó­milur frá Sydney, Nova Scotia á Nýfundna­landi, eftir að hafa kvöldiö áður lent i árekstri við danska flutn­inga­skipið Charm.“

Þriðju­dag­inn, 21. júlí 1981, var for­síðu­frétt á Tímanum um sjó­slys. Helstu fjöl­miðlar lands­ins fjöll­uðu um málið en m.s. hafði lent í áreksri við danska flutn­ing­s­kiptið Charm.

„Árekst­ur­inn varð um 17 sjó­milur frá Sydney i fyrra­kvöld, og var þá nið­dimm þoka á slys­staðnum. Skipið var á leið frá Portsmouth til Reykja­vikur. Við árekst­ur­inn kom gat á stjórn­borðs­hlið Berg­lindar, fram­ar­lega, og féll við það sjór i fram­lest skips­ins“

Skipið og allur farmur þess sökk en eins og fram hefur komið en áhöfnin bjarg­að­ist bless­un­ar­lega öll.

Nítján voru um borð

Öll áhöfnin var íslensk og voru fjórtán af skip­verjum Berg­lindar bjargað yfir í danska skipið, Charm en hinir biðu, um borð í Berg­lindi, í fimm klukku­stundir þar til  kanadískur drátt­ar­bátur kom og tók skipið í tog.

„En svo mik­ill sjór var þá kom­inn í skipið að það sökk á leið til hafnar, um kl. 14,45 í gær að (íslenzkum tfma. Skip­verjarnir voru þá komnir yfir í kanadíska drátt­ar­bát­inn. Sakaði engan af áhöfn­inni sem nú dvelst í Sydney, Nova Scotia,“ kemur frá á bak­síðu Dag­blaðs­ins frá sama tíma.

Skipið

Berglind var rúm­lega 10 ára gam­alt skip þegar það sökk og um tíma stærsta skip íslenska kaup­skipa­flot­ans. Skipið var í eigu islenskra kaup­skipa sem var dótt­ur­fyr­ir­tæki Eim­skipa­fé­lags­ins, en Eimskip sá um rekstur þess.

Áreksturinn óumflýjanlegur

Sjópróf voru gerð og skýrslur teknar af báðum skip­stjórum skip­anna. Virðist að árekst­ur­inn hafi verið óum­flýj­an­legur þrátt fyrir við­vör­un­ar­hljóð frá báðum skip­unum. Á reki var hvort skipið hafi verið í rétti en í blaða­grein Tímans frá 29. júlí sama ár kemur fram að margt bendi til þess að Berglind hafi verið í órétti sam­kvæmt sjó­ferða­reglum. Þá einkum vegna stað­setn­ingu á skemmda skips­ins.

„Áhöfn Berg­lindar var yfir­heyrð í sjó­dómnum í gær. Önnur sjó­próf fara fram síðar í Danmörku yfir áhöfn danska skips­ins m.s. Charm. Báðir skip­stjór­arnir gáfu skýrslu um árekst­ur­inn stuttu eftir hann hjá kanadísku strand­gæsl­unni. Þær hafa ekki borist hingað til lands.

Að til­mælum lög­manna íslenskra kaup­skipa og Eimskips við rétt­ar­haldið í gær verður litið á þær upp­lýs­ingar sem fram komu sem trún­að­ar­mál þar til sjó­prófum er lokið yfir áhöfn danska skips­ins. Mikil verð­mæti eru i húfi og þvi árið­andi að dönsku skip­stjórn­ar­menn­irnir geti ekki hag­rætt sann­leik­anum, sínu útgerð­ar­fé­lagi í vil, á grund­velli upp­lýs­inga sem fram koma við sjó­prófin í Reykja­vík. Samt sem áður liggur ljóst fyrir, að það er danska skipið sem siglir fram­ar­lega á Berg­lindi stjórn­borðs­megin (hægra megin) með þeim afleið­ingum að gat kemur á, sem síðan leiðir til þess að Berglind sekkur. Samkvæmt almennum umferð­ar­reglum á hafi úti skal það skip víkja sem hefur annað skip á stjórn­borða, þegar stefnur þeirra sker­ast og hætt er við árekstri. Charm siglir á Berg­lindi stjórn­borðs­megin, þannig að Berglind virð­ist hafa verið í órétti. Það eina sem getur bjargað Berg­lindi i þessu máli er það að danska skipið hafi ekki haldið sinni upp­runa­legu stefnu eða breytt hraða, þegar til árekstr­ar­ins kom. Verður það vænt­an­lega leitti ljós i sjó­próf­unum ytra. Þangað til verður sjó­próf­unum hér á landi frestað. Niðdimm þoka var á árekst­urs­staðnum. Svo virð­ist vera sem bæði skipin hafi gefið frá sér hljóð­merki til var­úöar, en það þó ekki komið að haldi, þar sem árekst­ur­inn varð ekki umflú­inn.“