Femínistar segja ekki þverfótað fyrir pervertum á Kótelettunni

Femíníski aðgerð­ar­hóp­ur­inn Öfgar segja á Twitter að ótrú­legur fjöldi meintra kyn­ferð­is­brota­manna muni stíga á stokk á fjöl­skyldu­há­tíð­inni Kótel­ettan á Selfossi. Kótel­ettan, sem er jafn­framt grill­veisla og tón­list­ar­há­tíð, fór fram nú um helg­ina. Öfgar segja á bil­inu 10 til 15 meinta ger­endur meðal skemmti­krafta og þeir hafi verið fleiri en tón­lista­kon­urnar á hátíð­inni.

Á Twitter segja þær: „Fjöldi meintra ger­enda sem eru að spila á Kótel­ett­unni þessa helgi eru fleiri en heild­ar­fjöldi kven­kyns tón­list­ar­fólks á hátíð­inni. Það eru 12 mán­uðir síðan þjó­há­tíð­ar­nefnd klúðr­aði sínum málum. Við hvetjum tón­list­ar­fólk að taka afstöðu og neita að spila með meintum ger­endum.“

Engin nöfn eru nefnd en ljóst er að þetta setur alla karl­kyns tón­list­ar­menn sem spil­uðu á hátíð­inni í erf­iða stöðu. Slíkur er fjöldi ger­enda sam­kvæmt hópnum að ef ein­ungis er horft á töl­fræði þá er um helm­ings­líkur á að hver tón­list­ar­maður sé meintur kyn­ferð­is­brota­maður. Það skýrir ef til vill næsta tíst hóps­ins: „Vin­sam­leg­ast ekki vera með get­gátur um ofbeld­is­menn.“

Líkt og fyrr segir þá gefur hóp­ur­inn ekki meira upp en þann fjölda sem ku hafa spilað um helg­ina. „Ein­hvers­staðar um 10-15 manns,“ segir hóp­ur­inn. Sumum þykir óþægi­legt að þurfa nú að gruna annan hvern mann, líkt og ein kona sem skrifar: “

„Ég vildi að maður vissi hverjir þetta væri svo ég sé ekki að gruna annan hvern mann og ef ég vissi myndi ég hætta að hlusta á tón­list­ina þeirra og já, svo gæti ég verið að fylgj­ast með ein­hverjum þeirra á insta.“

Ólöf Tara Harð­ar­dóttir, ein af með­limum Öfga, svarar þessu og segir: „Þú getur byrjað á google. Það eru þó nokkurn nöfn sem hafa farið í opin­bera umræðu. Pössum svo að krefja ekki þolendur um að gefa leyfi til að hvísla nöfnum ger­enda sinna.“

Hér fyrir neðan má finna alla tón­list­ar­menn sem stígu á stokk um helg­ina. Listinn er í tíma­röð, eftir því hvenær við­kom­andi fór á svið.

Á föstudag:

DJ Dóra Júlía

DJ Rikki G

Moskvít

Moses Hightower

Stjórnin

Aron Can

XXX Rottweiler Hundar

Herra Hnetu­smjör

Á laugardag:

DJ Nokto

Moskvít

Sigga Ózk

Stuðmenn

FM95BLÖ

Stuðla­bandið

Helgi Björns

Stebbi Hilmars

Frikki Dór

Páll Óskar

Birnir

Birnir

ClubDub