Ungur ítalskur tugþrautakeppandi lenti í afar vandræðalegu atviki á heimsmeistarakeppni U20 í frjálsum íþróttum í Kólumbíu á dögunum.
Alberto Nonino sem keppti á heimsmeistarakeppni U20 í frjálsum íþróttum í Kólumbíu fyrir nokkrum dögum lent í einstaklega pínlegu atviki í 400 metra hlaupi í tugþrautakeppninni. Til að byrja með gekk honum mjög vel en þegar síga fór á hlaupið byrjaði getnaðarlimur hans að poppa út úr stuttbuxunum hans. Nonino neyddist því til að troða manndómi sínum ítrekað aftur í stuttbuxurnar. Þessi vandræðagangur hægði verulega á Nonino sem endaði í fjórða sæti hlaupsins.
Hefur þessi vandræðagangur Nonino vakið athygli í fjölmiðlum erlendis og margir gert gys að hinum unga og efnilega íþróttamanni. Skrifaði hann færslu um mótið á Instagram þar sem hann þakkar öllum þeim sem studdu hann fyrir mótið og minntist svo eilítið á atvikið:
„Ég get ekki beðið eftir að upplifa aðra eins keppni og þessa og sjá svo kannski aðeins áhugaverðari greinar í blöðunum😂“
Myndband af hlaupinu er orðið ansi vinsælt á YouTube en athugasemdirnar við myndbandið eru á köflum ansi fyndnar. Hér eru dæmi um nokkur þeirra:
„Gott að þetta var ekki boðhlaup, það hefði getað orðið flókið að skipta á keflum.“
„Hann kom fjórði í mark en sigraði samt því limurinn fór fyrstur yfir línuna.“
„Þegar þetta gerðist hjá mér í vinnunni, þá var það glæpur. Skrítið.“
Hér fyrir neðan má sjá hið vandræðalega hlaup.
Athugasemdir