Karlmaður hefur verið handtekinn, grunaður um morðið á Thomas O’halloran, sem stunginn var til bana í rafmagnshjólastól sínum fyrr í vikunni. Maðurinn, sem er 44 ára gamall, sást hlaupa frá vettvangi vopnaður hnífi skömmu eftir árásina en handtók lögregla manninn snemma í morgun. Sá látni, Thomas O’Halloran, var 87 ára gamall. Var honum lýst sem „mjög þekktum og ástsælum“ meðlimi samfélagsins sem eyddi miklum tíma dagsins í að safna peningum til góðgerðamála, þar á meðal Úkraínu. Þá sást hann oft fyrir utan kjörbúðina og Greenford-lestarstöðina en átti árásin sér stað skammt fram lestarstöðinni.
Telur lögreglan að Thomas hafi náð að fara um 70 metra á hjólastólnum sínum áður en hann náði að veifa gangandi vegfaranda og kalla á hjálp. Þrátt fyrir tilraunir lögreglu og sjúkraflutningamanna tókst ekki að bjarga Thomas og var hann úrskurðaður látinn á vettvangi. Fjölskylda Thomasar hefur verið upplýst um málið en í yfirlýsingu lögreglu óskaði hún eftir því að þau fengu frið til þess að vinna úr sorginni. Thomas var upphaflega frá Ennistymon, Co Clare, á Írlandi, og er sagður hafa farið reglulega heim þar sem honum leið vel.
Athugasemdir