AK-47 riffill til sölu á íslenskri byssuvefsíðu: „Löglegur og skráður í gagnagrunn lögreglunnar!“

Breyttir árás­ar­rifflar eru til sölu á íslenskri sölu­síðu. Fullyrt að þeir séu lög­legir.

Á sölu­síð­unni byssu­salan.is eru alls­konar byssur til sölu en þar geta veiði­menn og safn­arar keypt sér byssu og selt öðrum not­endum síð­unnar. Athygli vekur að þar má sjá aug­lýs­ingar þar sem breyttir árás­ar­rifflar eru aug­lýstir til sölu. Er full­yrt þar að byss­urnar stand­ist vopna­lög á Íslandi.

Í einni aug­lýs­ing­unni er verið að aug­lýsa AK-47 hríð­skota­byssu og fylgja henni auka­hlutir. Tekið er fram að riffill­inn sé breyttur „straight pull“ sem þýðir að það þarf að hlaða hann eftir hvert skot. Eft­ir­far­andi texti er við aug­lýs­ing­una:

„ATH: Riffil­inn er lög­legur og skráður í gagna­grunn lög­regl­unnar! High End AK-47 riff­ill til sölu, breyttur straight pull. fram­leiddur af Krebs Custom í norður Illinois, Krebs Custom er þekktur sem high end AK fram­leið­andi fyrir bæði gæði riffla og auka­hluta.

Krebs Custom fram­leiðir nokkrar gerðir af Mikhail Kalas­hnikov rifflum og þeirra hönnuð á sér sann­ar­lega stað í 21. öld­inni.“

Ak-47 sem til sölu er á síð­unni.

Sami aðili selur einnig Ruger AR556 (AR15) fjöl­nota riffil:

„Straight pull riff­ill, nýtt hlaup til að upp­fylla Íslenskar reglu­gerðir, fylgir með extended charging handle fyrir þægi­legri skipt­ingu. 10 skota magasín. Byssan er á B leyfi
ástand sem nýtt.“

Ruger-riff­ill sem til sölu er á verf­síð­unni

Mannlíf hafði sam­band við lög­regl­una á höf­uð­borg­ar­svæð­inu og spurði hvort þetta stæð­ist lög. Lög­reglan svar­aði því til að rifflar á borð við AK-47 fáist ekki inn­fluttir til lands­ins og ekki almennt leyfðir. Þó séu til rifflar sem lík­ist slíkum rifflum en þeir séu ekki hálf-eða alsjálf­virkir. Þá er einnig leyfi­legt að eiga hálf­sjálf­virka riffla hafi þeir teng­ingu við sögu lands­ins, séu það safn­vopn.

„AK-47 hríð­skotarifflar fást ekki inn­fluttir til lands­ins og eru almennt ekki leyfðir. Til eru rifflar sem líkj­ast slíkum vopnum og eru leyfðir, en þeir eru ekki hálf- eða alsjálf­virk vopn heldur skot­vopn þar sem hlaða þarf skotin hvert um sig, en slíkt kall­ast bolta­lás. Hálf­sjálf­virkir rifflar eru almennnt ekki leyfðir, með þeim und­an­tekn­ingum að vopn sem hafa tengsl við sögu lands­ins, frá því í seinni heim­styrj­öld, hafa verið leyfð sem safn­vopn. Til að mega vera með safn­ara­rétt­indi þarf að stand­ast meiri kröfur en almennt er gert um eig­endur skot­vopna og þarf geymsla skot­vopna að vera trygg.“

Mannlíf heyrði einnig í skot­í­þrótta­manni sem sagði að breyttir árás­ar­rifflar á borð við þá sem eru til sölu á síð­unni, séu ekki árás­ar­rifflar heldur ekk­ert ósvip­aðir venju­legum rifflum þar sem það þarf að hlaða þá eftir hvert skot. Sumir sæk­ist í þessar byssur ein­ungis vegna útlits­ins.