Netverjar hrauna yfir flytjendaval á „Fössari í túninu heima“: „Mosó – þar sem karlarnir eru!“

Um helg­ina von­ast Mos­fell­ingar að líf og fjör verði í bænum þegar hátíðin „Í tún­inu heima“ fer fram. Á vef sveit­ar­fé­lags­ins er full­yrt að um glæsi­lega dag­skrá verði að ræða þar sem allir ættu að finna eitt­hvað við sitt hæfi.

Á Twitter er hafin umræða um flytj­enda­val Mos­fells­bæjar á tón­leikum sem fram fara annað kvöld. Tón­leik­arnir bera heitið „Fössari í tún­inu heima“ og þar koma fram þeir Aron Can, ClubDub, BlazRoca, Daniil, Herra Keflavík, Blaffi og DJ Óli Geir. 

Selma Sverris gerir upp­still­ing­una að umtals­efni í þræði á sam­fé­lags­miðl­inum. Augljóst er hvað henni finnst um flytj­enda­valið því hún segir:

Ísak nokkur tekur undir með Selmu og skilur ekk­ert í því hvers vegna ekk­ert hafi verið hugað að kynja­hlut­fall­inu. „Og það er ekki eins og það vanti rapp/popp/rnb/hiphop söng­konur,“ segir hann. 

Og undir þetta tekur Hrund og ljóst að hún hefur ýmis­legt að athuga við upp­still­ingu Mos­fell­inga annað kvöld: „DJ Óli Geir? Er 2002?,“ spyr Hrund.