Flugstjóri flugfélagsins Southwest Airlines hótaði að hætta við flugtak eftir að einhver í vélinni sendi nektarmynd af sér til annarra farþega. Myndin sem um ræðir var send í gegnum forritið AirDrop og tók flugstjórinn strax á málunum. „Hér er samningurinn, ef þetta heldur áfram á meðan við erum á jörðinni verð ég að draga mig aftur að hliðinu, allir verða að fara frá borði, við fáum öryggisverði í málið og fríið verður eyðilagt,“ sagði flugstjórinn en myndband af tilkynningunni hefur farið sem eldur um sinu á samfélagsmiðlinum TikTok.
Farþeginn Teighlor Marsalis tók myndbandið og sagði í samtali við CNN að hún og vinir hennar hefðu verið nýkomin um borð í þegar henni, og fólki í kringum hana, barst skrá í gegnum AirDrop. „Þetta var nakinn maður sem lét AirDropped sig til allra,“ sagði Teighlor og bætti við að kona sem komst í uppnám við myndina hefði gert fugfreyju vart við. „Gott fólk, hvað sem þetta AirDrop er, hættu að senda nektarmyndir og við skulum komast til Cabo,‘‘ sagði flugstjórinn að lokum. Þá er kemur fram að engar aðrar uppákomur hafi verið í fluginu og allir hafi að lokum komist til Cabo.
Athugasemdir