Þóra þögul um ásakanir Páls um glæpi: „Hvarflar ekki að mér að tjá mig nokkurn skapaðan hlut“

Þóra Arn­órs­dóttir neitar að tjá sig um þungar ásak­anir Páls Vil­hjálms­sonar.

Páll Vil­hjálms­son fram­halds­skóla­kenn­ari skrif­aði blogg­færslu í morgun þar sem hann ber Þóru Arn­órs­dóttur fjöl­miðla­konu, þungum sökum en málið snýr að „Byrl­un­ar­mál­inu“ svo­kall­aða.

„Fyrsta yfir­heyrslan yfir kon­unni fór fram 5. októ­ber. Tveim klukku­stundum fyrir yfir­heyrsl­una hringdi Þóra Arn­órs­dóttir rit­stjóri hjá RÚV í veiku kon­una, senni­lega ekki til að vita hvernig henni liði. Gögn lög­reglu sýna yfir 20 sím­töl Þóru og byrlara Páls skip­stjóra á tíma­bil­inu sem yfir­heyrslur fóru fram yfir fimm sak­born­ingum,“ segir í blogg­færslu Páls.

Þá segir Páll einnig að miðl­arnir sem bendl­aðir eru við málið hafi sam­ræmt frá­sögn sína til að hylja sann­leik­ann.

„RSK-miðlar, RÚV, Stundin og Kjarninn, reyndu frá ágúst að búa til sam­ræmda frá­sögn um það sem gerð­ist í apríl og byrjun maí í fyrra þegar atlagan að Páli skip­stjóra var skipu­lögð og fram­kvæmd. Ekki undir neinum kring­um­stæðum mátti hið sanna koma í ljós. Litla-Hraun og Hólms­heiði eru ekki skemmti­legir áfanga­staðir. Lög­reglan hlust­aði.“

Mannlíf heyrði í Þóru og bauð henni að svara þessum þungu ásök­unum Páls.

„Nei, það hvarflar ekki að mér að tjá mig um nokkurn skap­aðan hlut sem hann skrifar.“

Þegar Mannlíf spurði Pál hvaðan hann fékk þessar upp­lýs­ingar var svarið stutt og laggott en ekk­ert sér­lega upp­lýsandi.

„Ég hef mínar heim­ildir.“

Mannlíf heyrði í Páli Stein­gríms­syni skip­stjóra og spurði hann fyrst út í heils­una og svo út blogg­færslu nafna hans Vil­hjálms­sonar og gang máls­ins.

„Takk kær­lega fyrir að spurja um heilsu mína en ég var útskrif­aður af læknum 27. júlí síð­ast­lið­inn, en varð­andi aðrar spurn­ingar þá get ég ekki svarað þeim að svo stöddu þar sem rann­sókn lög­reglu er ekki lokið, og hvaðan nafni hefur sínar upp­lýs­ingar þá hef ég mikið klórað mér yfir því, þar sem það lýtur út fyrir að hann sé með heim­ild­ar­mann sem virð­ist hafa mik­inn aðgang að upp­lýs­ingum og margt sem frá honum kemur hefur síðan raun­gerst dögum eða vikum seinna, en ég hef kosið að fara þá leið að tjá mig ekki því ég vil ekki bera sakir á neinn sem á það ekki skilið.“