Anna Guðný er látin

Anna Guðný Guð­munds­dóttir píanó­leik­ari er látin 64 ára að aldri eftir erf­iða bar­áttu við veik­indi. Fjöldi fólks hefur minnst Önnu á sam­fé­lags­miðlum þar á meðal margir af fremsta tón­list­ar­fólki lands­ins en hefur hún lengi verið einn fremsti píanó­leik­ari lands­ins.

Anna fædd­ist þann 6. Sept­em­ber 1958 og lagði stund á píanó­nám í Barna­mús­ík­skól­anum hjá Stefáni Edel­stein. Hún lauk stúd­ents­prófi frá Mennta­skól­anum við Hamra­hlíð og burt­far­ar­prófi frá Tón­list­ar­skól­anum í Reykja­vík. Þaðan lá leið Önnu til London þar sem hún lauk fram­halds­námi við við Guild­hall School of Music and Drama árið 1982. Anna á glæstan feril að baka og lék hún á tón­leikum víða í Evrópu, Kína og í Japan.

Hún var fast­ráð­inn píanó­leik­ari um ára­bil hjá Sin­fón­íu­hljóm­sveit Íslands en  starf­aði hún einnig sem píanó­leik­ari. Anna fékk þrisvar til­nefn­ingu til Íslensku tón­list­ar­verð­laun­anna og hlaut hún verð­launin árið 2008. Þá hlaut hún starfs­laun mennta­mála­ráðu­neyt­is­ins árið 1995 og 2000 og orðu Hvítu rós­ar­innar frá finnska rík­inu árið 1997. Anna spil­aði inn á hljóm­plötur með mörgu fremsta tón­list­ar­fólki lands­ins en auk þess gaf hún út róm­aðar ein­leiks­plötur.