Bjarni Benediktsson, fjármálaráðherra og formaður Sjálfstæðisflokksins, bíður þess nú að skýrsla um framgöngu hans við söluna á bréfunum í Íslandsbanka verði opinberuð. Fjármálaráðherra var harðlega gagnrýndur fyrir söluna sem fór þannig fram að handvaldir voru kaupendur sem fengu bréf á afsláttarverði.
Meðal þeirra sem sluppu í gegnum nálaraugað og fékk að kaupa var faðir Bjarna, auðmaðurinn og Engeyingurinn Benedikt Sveinsson. Ríkisendurskoðun fer nú ofan í saumana á málinu og er reiknað með að skýrslan líti dagsins ljós á næstu dögum. Nokkrar áhyggjur eru vegna þessa innan Sjálfstæðisflokksins og einnhverjir ýmist óttast eða vonast til þess að Bjarni fái á baukinn.
Sjálfur er ráðherrann pollrólegur og bíður örlaga sinna æðrulaus. Bjarni er reyndar ýmsu vanur þar sem kemur að vafasömum viðskiptum og hefur staðið allt af sér hingað til þrátt fyrir uppljóstranir um brall sem telst vera í besta falli vafasamt …
Athugasemdir