„Enginn starfsmaður verður hjá Tempó á Íslandi eftir 3 ár“

Matthías Ásgeirs­son, for­maður félags­ins Vantrúar og einnig við­skipta­fræð­ingur, telur að met­sala á hlutafé í Kaup­höll­inni muni enda í tárum. Í morgun hefur verið greint frá því, og það á jákvæðum nótum, að hluta­bréfa Origo hefur rokið upp í Kaup­höll­inni eftir að félagið til­kynnti seint í gær­kvöldi um sölu á öllum 40 pró­senta eign­ar­hlut sínum í Tempo fyrir um 28 millj­arða króna.

Kaup­and­inn er banda­rískur fjár­fest­ing­ar­sjóður, Diversis Capital, en Tempo er íslenskt hug­bún­að­ar­fyr­ir­tæki sem var stof­anð árið 2009 af starfs­fólki TM Software. Starfs­manna­fjöldi Tempo er hátt í 200 manns í dag.

Matthías segir þessar fregnir séu ekki eins jákvæðar og við fyrstu má sýn­ast. „Það er von­andi verið að skoða við­skipti síð­ustu viku vand­lega, nokkur hækkun dag­ana á undan gæti bent til þess að ein­hverjir hafi vitað eitt­hvað. Mikið er líka gott að losna við enn eitt hug­bún­að­ar­fyr­ir­tæki úr eigu íslend­inga!,“ skrifar hann á Twitter og má ætla að hann sé að beita kald­hæðni.

Því ekki eru spá­dómar hans jákvæðir. Þeir koma í næsta tísti:

„Spádómar:

* sölu­and­virði verður allt greitt til hlut­hafa. Eftir stendur verð­minna fyr­ir­tæki.

* eng­inn starfs­maður verður hjá Tempó á Íslandi eftir 3 ár.“