Jákvæður Jón Viðar: „Miklu fjölhæfari og stórbrotnari leikari en Spaugstofukarakterarnir hans sýna“

Gagn­rýn­andi Íslands, Jón Viðar Jónsson færir í tal á Facebook-síðu sinni að hann hafi ekki verið nægi­lega ánægður með „fyrsta þátt­inn í fjög­urra þátta syrpu rík­is­sjón­varps­ins um Sigga Sig­ur­jóns í gærkveldi. Og varð fyrir von­brigðum; vinnslan á efn­inu tæt­ings­leg og lop­inn alltof teygður. Stutt við­tals­brot við fjölda fólks sem sögðu nán­ast öll hið sama og það sem allir vita, sem til manns­ins þekkja: að hann er drengur góður, ljúf­menni hið mesta, hóg­vær og yfir­læt­is­laus og – það sem ekki varðar minnstu – hefur aldrei mikl­ast af frama sínum. Og aldrei hætt að þroskast.“

Jón Viðar Jónsson.

Vonast Jón Viðar til þess að meira kjöt verði á bein­unum í þeim þremur þáttum sem eftir eru um einn dáð­asta leik­ara Íslands­sög­unnar – Hafn­firð­ing­inn Sigurð Sig­ur­jóns­son:

„Í þessum fyrsta þætti voru hins vegar alltof fá sýn­is­horn af list Sigurðar. Þau verða eflaust fleiri í næstu þáttum. Og vænt­an­lega eiga þau einnig eftir að stað­festa það sem við vitum líka, við sem höfum fylgst með honum allar götur frá því hann spratt fram í Nem­enda­leik­hús­inu í Lindarbæ fyrir meira en fjöru­tíu árum, sprúðlandi af fjöri æsk­unnar: að hann er svo miklu fjöl­hæf­ari – og stór­brotn­ari – leik­ari en Spaug­stofukarakt­er­arnir hans sýna. Þeir hefðu getað eyði­lagt minni lista­mann en hann er. Það hafa þeir ekki gert, þó að þeir hafi vissu­lega – það verður að segj­ast – skyggt um of á það hversu fjöl­hæfur hann er.“

Og Jón Viðar er aldeilis ekki spar á hrósið þegar kemur að Sigga Sig­ur­jóns:

„Það kom til dæmis ýmsum á óvart – heyrði maður – hversu magn­aðri per­sónu­lýs­ingu hann skil­aði í Hrútum Gríms Hákon­ar­sonar. Og þá var Afinn litlu síðri; þar gat hann nýtt sér allt í senn: fágað og hlý­legt skop­skynið ásamt því til­finn­inga­lega inn­sæi og þeirri mann­þekk­ingu sem hann býr nú orðið yfir. Og ég stenst ekki mátið að nefna Kaup­fé­lags­stjór­ann í Héraðinu, hversu kunn­ug­legur hann var, sá útsmogni póli­tíski bragða­refur. Leikara, sem spannar slíkt svið; honum eru bók­staf­lega allir vegir færir.“

Siggi sem Ragnar Reykás.

Þrátt fyrir dapran fyrsta þátt, að mati Jóns Viðar, ætlar kapp­inn að klára þessa fjög­urra þátta seríu um Sigga og hans flottu áhrif sem hann hefur haft­á­ís­lenskt leik­hús­líf ogís­lenska kvik­mynda­gerð síð­ustu fjöru­tíu árin og rúm­lega það:

„Auðvitað horfir maður á næstu þætti. Byrjunin lof­aði ekki nógu góðu. En við skulum sjá til.“