„Þetta er sorglegt fyrir íslenskt launafólk,“ sagði Vilhjálmur Birgisson, formaður Starfsgreinasambandsins í samtalið við Fréttablaðið.
Vilhjálmur, Ragnar Þór Ingólfsson og Sólveig Anna Jónsdóttir, hafa dregið framboð sín á ársþingi ASÍ til baka vegna tillögu um að víkja öllum fulltrúum Eflingar frá aðalfundi ASÍ. Vilhjálmur tekur það fram að fulltrúar ellefu félaga hafi skrifað undir umrædda yfirlýsingu:
„Það sem við lögðum upp með, að koma út sem ein heild af þessu þingi, mistókst,“ segir Vilhjálmur, og minnist á sögusagnir þess efnis að stjórn ASÍ, með honum, Ragnari og Sólveigu, hyggðust reka allt starfsfólk félagsins; sagði Vilhjálmur það vera ósatt.
Spurður út í það hver yrðu næstu skref hjá honum sagði Vilhjálmur:
„Planið er einfalt. Fulltrúar Eflingar og VR gengu út. Nú fara þeir heim í hérað og hugsa gang mála,“
Hann vill ekki segja hvort hér sé um að ræða mögulegan klofning úr ASÍ, enda verði hvert félag fyrir sig að taka slíka ákvörðun.
Ragnar Þór Ingólfsson formaður VR vildi ekki tjá sig um málið.
Formaður Eflingar, Sólveig Anna Jónsdóttir, var afar gagnrýninn í samtali við RÚV að loknum fundi; gagnrýndi sérstaklega Ólöfu Helgu Adolfsdóttur, sem nú er ein í framboði til forseta ASÍ.
Sólveig Anna sagði að hennar málstaður og málstaður verkalýðskvenna hafi ekki fengið brautargengi á þinginu:
„Ég held að það sé nokkuð augljóst,“ sagði Sólveig Anna er hún var spurð hvort um sé að ræða klofning innan ASÍ; sagði einnig að nú myndi hún tala við sína félaga í Eflingu um næstu skref, en tók það fram að hún ætlaði sér ekki að mæta á þingið á morgun, en þá verður kosið í embætti.
Athugasemdir