Íslensk börn mæta vannærð í skólann vegna tískubólu foreldra

Lára G. Sig­urð­ar­dóttir læknir segir í Bakþanka Frétta­blaðs­ins að sífellt fleiri börn mæti ónærð í skól­ann. Það sé þó ekki vegna pen­inga­skorts heldur vegna tísku­bólu, börnin séu að fasta líkt og for­eldrar þeirra. Hún segir þetta gegnd­ar­lausa heimsku.

Lára skrifar: „Á dög­unum var kynn­ing­ar­fundur í gagn­fræða­skóla yngsta drengs­ins. Kenn­ar­inn hafði á orði að allt of margir nem­endur væru að fasta líkt og for­eldr­arnir. Skömmu síðar barst tölvu­póstur frá skóla­stjór­anum þar sem ítrekað var að of margir nem­endur mættu illa nærðir og borð­uðu jafn­vel ekk­ert fyrr en eftir skóla.“

Hún segir að svo virð­ist sem tíska valdi þessu. „Hér áður voru það fátæku börnin sem komu ónærð í skól­ann. Nú virð­ist sem tíma­skortur eða tíska valdi því að morg­un­matnum sé sleppt. Rann­sóknir hafa verið gerðar á börnum sem fasta og sýna að náms­ár­angur er nátengdur nær­ingu. Í skóla einum var byrjað á því að gefa börn­unum hafra­graut í upp­hafi skóla­dags. Í ljós kom að börnin áttu auð­veld­ara með að ein­beita sér og þeim gekk betur í nám­inu. Fleiri rann­sóknir sýna hið sama,“ segir Lára.

Hún segir það algjöra þvælu að sleppa morg­un­mat, í það minnsta hvað varðar börn. „Þó svo að við full­orðna fólkið þolum það að fasta fram eftir degi gildir annað um börnin. Fyrir utan að þurfa góða nær­ingu til að vaxa og þroskast, þá getur það að sleppa morg­un­mat haft þær afleið­ingar að börnin verða þreytt, eirð­ar­laus og skap­stygg. Síðla dags geta þau orðið leið og orku­lítil. Þá eru þau lík­legri til að sækja í nær­ing­ar­s­nautt fæði sem inni­heldur tóm kol­vetni og óholla fitu,“ segir Lára.

Hún gefur svo skóla­stjór­anum orðið. „Ég ætla að gefa skóla­stjór­anum loka­orðið því ég hefði ekki orðað þetta betur: „Hvernig haldið þið að það sé að vera illa nærður og ætla að með­taka og til­einka sér nýja þekk­ingu? Hvernig haldið þið að það sé að kenna börnum sem geta varla hugsað fyrir hungri? Við hljótum að vera öll sam­mála um að frum­for­senda þess að ná árangri í námi og að eiga jákvæð og gef­andi félags­leg sam­skipti sé að vera vel sof­inn og vel nærður. Vin­sam­leg­ast hugið vel að þessu kæra for­ráða­fólk. Það þarf alveg enn þá að senda krakka með nesti í skól­ann þó þau séu ung­lingar.““