Trausti segir að Reykjavík ætti að hætta að reka Strætó með Sjálfstæðisflokknum

Trausti Breið­fjörð Magn­ús­son, borg­ar­full­trúi Sós­í­alista, segir á Facebook að það sé löngu kom­inn tími á að Reykja­vík­ur­borg hætti sam­starfi með öðrum sveita­fé­lögum í rekstri Strætó. Hann segir að núver­andi fyr­ir­komu­lag sé ólýð­ræð­is­legt og best væri ef Reykja­vík myndi halda úti Strætó, eins síns liðs. Sífellt fleiri kvarta nú undan mis­gáfu­legum ákvörð­unum stjórnar Strætó, en þar sitja full­trúar sveit­fé­laga í kringum Reykja­vík, flest allir Sjálf­stæð­is­menn, auk eins full­trúa frá Reykja­vík.

Pistill Trausta í heild sinni:

Nú þegar stjórn Strætó hefur enn eina ferð­ina ákveðið að skerða þjón­ustu innan borg­ar­innar er fínt að hefja umræðu um fyr­ir­komu­lag þess apparats.

Í stjórn Strætó bs sitja 6 full­trúar frá hverju sveit­ar­fé­lagi á höf­uð­borg­ar­svæð­inu. Atkvæða­vægi þeirra á að mið­ast við íbúa­fjölda. Reykja­vík er með meiri­hluta íbúa, en samt er það ekki nóg til þess að hafa meiri­hluta­vægi.

Þetta fyr­ir­komu­lag er því í reynd ólýð­ræð­is­legt. Auk þess hafa borg­ar­full­trúar aðrir en sá eini sem situr í stjórn­inni lítil sem engin áhrif á fyr­ir­komu­lag Strætó. Finnst okkur núver­andi fyr­ir­komu­lag heppi­legt til þess að auka ánægju íbúa eða að hlustað sé á þeirra raddir?

Þegar byggða­sam­lagið er ekki að þjóna, auka ánægju né notkun Strætó er kom­inn tími til að staldra við og spyrja hvort það sé kom­inn tími á nýtt fyr­ir­komu­lag.

Hvers vegna ætti Reykja­vík­ur­borg ekki ein­fald­lega að reka sinn eigin Strætó eins og áður var gert með fínum árangri? Vagn­stjórar sem við höfum rætt við voru tölu­vert ánægð­ari með það fyr­ir­komu­lag. Auk þess sátu þeir í stjórn og gátu haft áhrif á upp­bygg­ingu leið­ar­kerf­is­ins. Í dag er lítið sem ekk­ert hlustað á þá.

Núver­andi módel byggða­sam­lags­ins byggir á nýfrjáls­hyggju­hug­myndum. Störfum vagn­stjóra er útvi­stað með til­heyr­andi lækkun launa, leiðum er lokað sem “eru ekki að borga sig” og það þykir mikið hneyksli ef Strætó er ”rek­inn með tapi”.

Það vantar nýja grunnu­hugsun um það hvernig við horfum til almenn­ings­sam­gangna. Þetta er þjón­usta, ekki fyr­ir­tæki og því á ávallt að setja þá sem þiggja hana í fyrsta sæti. Ef það er ekki hægt að breyta Strætó bs innan frá og losa það undan fár­an­lega skamm­sýnni hug­mynda­fræði um “hag­kvæmni og skil­virkni í rekstri” þá ætti Reykja­vík ein­fald­lega að slíta sig frá þeim félags­skap