Sveinn Andri um meintan hryðjuverkamann: „Allir vita að hann gæti ekki gert flugu mein“

Sveinn Andri Sveins­son hæsta­rétt­ar­lög­maður segir að allir þeir sem þekkja umbjóð­anda sinn, Sindra Snæ Birg­is­son, viti að hann gæti ekki gert flugu mein. Sindri situr í gæslu­varð­haldi vegna meintra áforma um hryðju­verk ásamt Ísidór Nathan­syni. Sveinn Andri segir talið milli tví­menn­ing­anna vissu­lega hafa verið smekk­laust en engin alvara hafi verið þar að baki.

„Það var nú ekki meiri leynd yfir þessu ráða­bruggi öllu saman en að þeir voru að fimb­ul­famba þetta á opinni spjall­rás. Töluðu saman á Signal. Þetta er kok­teill af ósmekk­legu gríni og fabú­la­sjónum. Ekkert á bak við þetta,“ segir Sveinn Andri í sam­tali við DV:

„Það var engin alvara á bak við þetta smekklausa spjall þeirra. Allir sem þekkja minn umbjóð­anda vita að hann gæti ekki gert flugu mein. Ég hef auð­vitað ekki umboð til að tala fyrir hinn. En minn umbjóð­andi er algert mein­leys­is­grey með ofsa­legan áhuga á byssum. Hann hefur vissu­lega gerst sekur um brot á vopna­lögum með því að prenta byssur. Þetta varð hobbý hjá honum í covid. Minn maður verður dæmdur fyrir vopna­laga­brot. Punktur. Þetta mál er hvorki fugl né fiskur.“