Harmleikur á Ólafsfirði: Tómas átti upptökin og stakk hinn grunaða í andlitið

Lands­réttur hefur stað­fest gæslu­varða­halds­úr­skurð hér­aðs­dóms yfir manni sem grun­aður er um að hafa stungið Tómas Waagfjörð til bana á Ólafs­firði þann 3. októ­ber síð­ast­lið­inn.

Í dóm­inum kemur þó skýrt fram að allt bendi til þess Tómas sjálfur hafi átt upp­tökin að átök­unum. Tómas hafi ráð­ist á mann­inn sem nú er í gæslu­varð­haldi með hnífi og stungið hann í and­lit og læri.

Sá grun­aði er ekki úrskurð­aður í gæslu­varð­hald vegna rann­sókn­ar­hags­muna heldur vegna þess að fjöldi mála gegn honum er nú í rann­sókn. Málinu eru sam­tals sex, þar með talið and­lát Tómasar.

Í úrskurði Lands­réttar segir:

„Samkvæmt saka­vott­orði varn­ar­að­ila var honum veitt reynslu­lausn 15. mars 2022 í tvö ár á eft­ir­stöðvum 220 daga fang­els­is­refs­ingar. Í grein­ar­gerð sókn­ar­að­ila er vísað til nokk­urra mála sem lög­reglu­stjóri segir varn­ar­að­ila eiga aðild að og upp hafi komið eftir að honum var veitt reynslu­lausn. Þannig vísar sókn­ar­að­ili til lög­reglu­máls nr. 008-2022-[…] þar sem varn­ar­að­ila er gefið að sök hús­brot og eigna­spjöll 12. júlí 2022. Lög­reglu­stjóri vísar einnig til máls lög­reglu nr. 008-2022-[…] frá 5. júlí 2022 þar sem varn­ar­að­ili er grun­aður um aðild að inn­flutn­ingi fíkni­efna. Í máli lög­reglu nr. 008-2022-[…] frá 6. sept­em­ber síð­ast­liðnum er varn­ar­að­ili grun­aður um rán, frels­is­svipt­ingu, eigna­spjöll, lík­ams­rárás og þjófnað. Þá hefur lög­regla, svo sem áður var vikið að, til rann­sóknar lög­reglu­mál nr. 0316-2022-[…] er varðar ætlað mann­dráp.“