SÖFNUN – Birna glímir við krabbamein í þriðja sinn: „Maður veit ekki alveg hvað maður á að gera“

Birna Krist­munds­dóttir er að berj­ast við krabba­mein í þriðja sinn á ævinni. Hún er aðeins 33 ára gömul og nú er þessi ill­vígi sjúk­dómur búinn að dreifa sér í eitla.

Í dag verða haldnir styrkt­ar­tón­leikar í salnum Verk­stæðið í Vitanum Mathúsi á Akureyri. Hún býr sjálf á Akureyri ásamt eig­in­manni sínum, Víði Erni Ómars­syni og tveggja ára gömlum syni þeirra.

„Maður veit ekki alveg hvað maður á að gera fyrir fólk í þess­ari stöðu. Þannig að það var ákveðið að gefa fólki færi á að mæta og sýna stuðn­ing, láta sjá sig,“ segir Tinna Gunnur Bjarna­dóttir, vin­kona Birnu, um styrkt­ar­tón­leik­ana og hetju­lega bar­áttu Birnu:

„En þetta nátt­úr­lega tekur á gg sér­stak­lega líka fyrir aðstand­endur. Birna reynir bara að segja sem minnst. Henni, eðli­lega, finnst þetta hálf­vand­ræða­legt. En hún veit að þetta verður gaman. Hún er með heilsu eða kraft akkúrat núna þar sem hún er í hvíld á sterkum lyfjum. Þannig að hún getur bara komið og notið með okkur líka. Þetta verður bara ástæða til að fara í háa hæla og setja á sig vara­lit og hafa gaman af.“

Þá er einnig hægt að styrkja Birnu og fjöl­skyldu hennar í erf­iðri bar­átt­unni með því að leggja inn á eft­ir­far­andi söfn­un­ar­reikn­ing:

Reikn­ings­númer. 0123-15-021188
Kennitala: 191288-2039