Stuðningsyfirlýsingum rignir yfir Vítalíu: „Eina sem ég get mælt með er að taka einn dag í einu“

Vítalía Lazareva var á útopnu en hún birti mynd­bönd á Instagram þar sem hún úthúðar Arnari Grant, fyrrum elsk­huga sínum. Stuðn­ing­ur­inn sem hún hefur fengið í kjöl­farið er gríð­ar­legur.

Talið var að parið hefði tekið saman aftur og væru jafn­vel flutt inn saman en svo reynd­ist ekki vera, eða því lauk þá ansi fljótt miðað við færslur Vítalíu á Instagram. Þar birti hún meðal ann­ars ljós­mynd af pokum og töskum og skrif­aði eft­ir­far­andi texta við: „Taka pok­ana og hypja sig út. Lygarnar halda áfram.“

Þá birti hún einnig tvö mynd­skeið þar sem hún sést úthúða Arnari Grant sem sést tala í sím­ann.

Á Twitter skrif­aði hún eft­ir­far­andi færslu í gær­kvöldi:

„Ég þarf alla hjálp sem ég get fengið. Ég titra og skelf,ég er ekki að þessu fyrir athylgi. Ég er ráða­laus og ég er búin á likama á sál. Öllu logið og kallað mann stal­ker og klikk­aðan. Ef ég er ekki nú þegar orðin klikkuð þá er það alla­vega handan við hornið. Ég reyndi.“

Stuðn­ing­ur­inn sem hún fékk við þessa færslu er gríð­ar­mik­ill en fjöldi fólks hefur skrifað athuga­semdir við færsl­una og yfir 700 líkað við hana.

„Ég get ekki ímyndað mér hvernig er að ganga í þínum sporum, ég kem sjálfur frá heim­ili þar sem ofbeldi var dag­legt brauð, þar sem for­eldrar mínir beittu hvort annað ofbeldi og okkur syst­kynin. Það eina sem ég get mælt með er að taka einn dag í einu,“ skrifar karl­maður nokkur í athuga­semdum.

Kona skrifar: „Mér sýn­ist þú full­kom­lega heil­brigð, að bregð­ast við klikk­uðum aðstæðum. Að vera í obeldis sam­bandi er eins og að fest­ast í kóngu­lóa­vef. Þegar að þú fattar að þú ert í vefnum og reynir að losna flækistu meir. Aðrir sjá ekki vef­inn og skilja ekk­ert í þessu sprikli.“

Ein bendir á Kvenna­at­hvarfið: „Síminn hjá Kvenna­at­hvarf­inu er 561-1205 og sím­inn er alltaf opinn. Þú getur fengið alls konar ráð­gjöf og bara fengið að ræða málin. Síminn hjá Bjark­ar­hlíð er 553-5000 en þú getur fengið aðstoð líka í gegnum http://bjark­ar­hlid.is

Mikið mikið knús og styrkur til þín elsku.“

Þóra nokkur skýtur föstum skotum á freka karl­menn og fjöl­miðla:

„En til að bæta gráu ofan á svart eru frekir karlar og fjöl­miðlar búin að vera í yfir­vinnu við að gera þig tor­tryggi­lega og snúa upp á orð þín og gera einka­líf þitt að clickbait. Þú átt betra skilið og fullt fullt fullt af fólki virðir þig og stendur með þér.“

Enn ein skrifar: „Við erum svooo mörg sem stöndum með þér, þú ert ekki ein þetta verður betra, þú ert svo sterk, það er ekk­ert sem mun sigra þig elsku Vitalia mundu við erum mööörg sem erum með þér í liði það á eftir að halda þer gang­andi líka.“

Það er því víst að Vítalía er alls ekki ein og hefur góðan stuðn­ing í land­anum sem verður að telj­ast frá­bært, miðað við allt sem hún hefur lent í und­an­farið ár.